| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.65.6 | Polyb. 3.66.3 (English) | >>Polyb. 3.66.9 |
3.65.11 οἱ δὲ κατὰ πρόσωπον ἐξ ἀρχῆς διαμαχόμενοι πρὸς τοὺς Καρχηδονίους , πολλοὺς μὲν αὑτῶν ἀπολωλεκότες , ἔτι δὲ πλείους τῶν Καρχηδονίων διεφθαρκότες , συνεπιθεμένων ἀπʼ οὐρᾶς τῶν Νομάδων , ἐτράπησαν , οἱ μὲν πολλοὶ σποράδες , τινὲς δὲ περὶ τὸν ἡγεμόνα συστραφέντες .
3.66.1
θεωρῶν γὰρ τοὺς μὲν τόπους ἐπιπέδους ὄντας , τοὺς δʼ ὑπεναντίους ἱπποκρατοῦντας , αὑτὸν δὲ βαρυνόμενον ὑπὸ τοῦ τραύματος , εἰς ἀσφαλὲς ἔκρινε δεῖν ἀποκαταστῆσαι τὰς δυνάμεις .
3.66.3 Ἀννίβας δὲ μέχρι μέν τινος ὑπέλαβε τοῖς πεζικοῖς στρατοπέδοις αὐτοὺς διακινδυνεύειν · συνιδὼν δὲ κεκινηκότας ἐκ τῆς παρεμβολῆς , ἕως μὲν τοῦ πρώτου ποταμοῦ καὶ τῆς ἐπὶ τούτῳ γεφύρας ἠκολούθει ,
3.66.4 καταλαβὼν δὲ τὰς μὲν πλείστας τῶν σανίδων ἀνεσπασμένας , τοὺς δὲ φυλάττοντας τὴν γέφυραν ἔτι περὶ τὸν ποταμὸν ὑπολειπομένους , τούτων μὲν ἐγκρατὴς ἐγένετο , σχεδὸν ἑξακοσίων ὄντων τὸν ἀριθμόν ·
3.66.5 τοὺς δὲ λοιποὺς ἀκούων ἤδη πολὺ προειληφέναι , μεταβαλόμενος αὖθις εἰς τἀναντία παρὰ τὸν ποταμὸν ἐποιεῖτο τὴν πορείαν , σπεύδων ἐπὶ τόπον εὐγεφύρωτον ἀφικέσθαι τοῦ Πάδου .
3.66.6 καταλύσας δὲ δευτεραῖος καὶ γεφυρώσας τοῖς ποταμίοις πλοίοις τὴν διάβασιν Ἀσδρούβᾳ μὲν ἐπέταξεν διακομίζειν τὸ πλῆθος , αὐτὸς δὲ διαβὰς εὐθέως ἐχρημάτιζε τοῖς παραγεγονόσι πρεσβευταῖς ἀπὸ τῶν σύνεγγυς τόπων .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 3.65.6 | Polyb. 3.66.3 (English) | >>Polyb. 3.66.9 |
