Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 3.82.4 | Polyb. 3.82.10 (English) | >>Polyb. 3.83.7 |
3.82.8 τηλικοῦτον γὰρ προενεβεβλήκει κατελπισμὸν τοῖς ὄχλοις ὥστε πλείους εἶναι τῶν τὰ ὅπλα φερόντων τοὺς ἐκτὸς παρεπομένους τῆς ὠφελείας χάριν , κομίζοντας ἁλύσεις καὶ πέδας καὶ πᾶσαν τὴν τοιαύτην παρασκευήν .
3.82.9 ὅ γε μὴν Ἀννίβας ἅμα μὲν εἰς τοὔμπροσθεν ὡς πρὸς τὴν Ῥώμην προῄει διὰ τῆς Τυρρηνίας , εὐώνυμον μὲν πόλιν ἔχων τὴν προσαγορευομένην Κυρτώνιον καὶ τὰ ταύτης ὄρη , δεξιὰν δὲ τὴν Ταρσιμέννην καλουμένην λίμνην ·
3.82.10 ἅμα δὲ προάγων ἐπυρπόλει καὶ κατέφθειρε τὴν χώραν , βουλόμενος ἐκκαλέσασθαι τὸν θυμὸν τῶν ὑπεναντίων . ἐπεὶ δὲ τὸν Φλαμίνιον ἤδη συνάπτοντα καθεώρα ,
3.82.11 τόπους δʼ εὐφυεῖς συνεθεώρησε πρὸς τὴν χρείαν ,
3.83.1
διελθὼν τὸν αὐλῶνα παρὰ τὴν λίμνην τὸν μὲν κατὰ πρόσωπον τῆς πορείας λόφον αὐτὸς κατελάβετο καὶ τοὺς Ἴβηρας καὶ τοὺς Λίβυας ἔχων ἐπʼ αὐτοῦ κατεστρατοπέδευσε ,
3.83.3 τοὺς δὲ Βαλιαρεῖς καὶ λογχοφόρους κατὰ τὴν πρωτοπορείαν ἐκπεριάγων ὑπὸ τοὺς ἐν δεξιᾷ βουνοὺς τῶν παρὰ τὸν αὐλῶνα κειμένων , ἐπὶ πολὺ παρατείνας , ὑπέστειλε ,
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 3.82.4 | Polyb. 3.82.10 (English) | >>Polyb. 3.83.7 |