| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 30.19.8 | Polyb. 30.20.2 (English) | >>Polyb. 30.21.1 |
30.19.15 οὐ γὰρ ἦν οὔτε πόλις οὔτε δυνάστης οὔτε βασιλεὺς ὃς οὐκ ἀπεστάλκει πρεσβείαν κατʼ ἐκεῖνον τὸν καιρὸν τὴν συγχαρησομένην ἐπὶ τοῖς γεγονόσιν ·
30.19.16 οἷς ἅπασιν οἰκείως ἀπήντησε καὶ φιλανθρώπως πλὴν τῶν Ῥοδίων .
30.19.17 τούτους δὲ παρέπεμπε ποικίλας ἐμφάσεις ποιοῦσα περὶ τοῦ μέλλοντος . ἐπείχετο δὲ καὶ τὰ κατὰ τοὺς Ἀθηναίους . —
30.20.1
παρακουόμενοι δὲ περὶ τούτου τοῦ μέρους ἐκ μεταθέσεως διελέγοντο περὶ Δήλου καὶ Λήμνου καὶ τῆς τῶν Ἁλιαρτίων χώρας , εἰς ἑαυτοὺς ἐξαιτούμενοι τὴν κτῆσιν · εἶχον γὰρ διττὰς ἐντολάς .
30.20.3 οἷς περὶ μὲν τῶν κατὰ Δῆλον καὶ Λῆμνον οὐκ ἄν τις ἐπιτιμήσειε διὰ τὸ καὶ πρότερον ἀντιπεποιῆσθαι τῶν νήσων τούτων , περὶ δὲ τῆς τῶν Ἁλιαρτίων χώρας εἰκότως ἄν τις καταμέμψαιτο .
30.20.4 τὸ γὰρ πόλιν σχεδὸν ἀρχαιοτάτην τῶν κατὰ τὴν Βοιωτίαν ἐπταικυῖαν μὴ συνεπανορθοῦν κατὰ πάντα τρόπον , τὸ δʼ ἐναντίον ἐξαλείφειν , ἀφαιρουμένους καὶ τὰς εἰς τὸ μέλλον ἐλπίδας τῶν ἠκληρηκότων ,
30.20.5 δῆλον ὡς οὐδενὶ μὲν ἂν δόξαι τῶν Ἑλλήνων καθήκειν , ἥκιστα δὲ τῶν ἄλλων Ἀθηναίοις .
30.20.6 τὸ γὰρ τὴν μὲν ἰδίαν πατρίδα κοινὴν ποιεῖν ἅπασιν , τὰς δὲ τῶν ἄλλων ἀναιρεῖν , οὐδαμῶς οἰκεῖον ἂν φανείη τοῦ τῆς πόλεως ἤθους .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 30.19.8 | Polyb. 30.20.2 (English) | >>Polyb. 30.21.1 |
