Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 30.20.6 | Polyb. 30.21.5 (English) | >>Polyb. 30.22.10 |
30.21.2 ὑπερθεμένης δὲ τῆς συγκλήτου τὸ διαβούλιον , οὗτος μὲν μετήλλαξε τὸν βίον κατὰ φύσιν · ἔτη γὰρ εἶχε πλείω τῶν ὀγδοήκοντα ·
30.21.3παραγενομένων δὲ φυγάδων ἔκ τε Καύνου καὶ Στρατονικείας εἰς τὴν Ῥώμην καὶ παρελθόντων εἰς τὴν σύγκλητον , ἐγένετο δόγμα Ῥοδίους ἐξάγειν τὰς φρουρὰς ἔκ τε Καύνου καὶ Στρατονικείας .
30.21.4 οἱ δὲ περὶ τὸν Φιλόφρονα καὶ Ἀστυμήδην λαβόντες ταύτην τὴν ἀπόκρισιν ἀπέπλευσαν κατὰ σπουδὴν εἰς τὴν οἰκείαν ,
30.21.5 δεδιότες μὴ παρακούσαντες οἱ Ῥόδιοι περὶ τοῦ τὰς φρουρὰς ἐξαγαγεῖν αὖθις ἄλλην ἀρχὴν ἐγκλημάτων ποιήσωσιν . —
30.22.1
μεταπεμψάμενος γὰρ τοὺς ἐκ τῆς Ἑλλάδος ἐπιφανεστάτους τεχνίτας καὶ σκηνὴν κατασκευάσας μεγίστην ἐν τῷ κίρκῳ πρώτους εἰσῆγεν αὐλητὰς ἅμα πάντας .
30.22.3 οὗτοι δʼ ἦσαν Θεόδωρος ὁ Βοιώτιος , Θεόπομπος , Ἕρμιππος , ὁ Λυσίμαχος , οἵτινες ἐπιφανέστατοι ἦσαν .
30.22.4 τούτους οὖν στήσας ἐπὶ τὸ προσκήνιον μετὰ τοῦ χοροῦ αὐλεῖν ἐκέλευσεν ἅμα πάντας .
30.22.5 τῶν δὲ διαπορευομένων τὰς κρούσεις μετὰ τῆς ἁρμοζούσης κινήσεως προσπέμψας οὐκ ἔφη καλῶς αὐτοὺς αὐλεῖν , ἀλλʼ ἀγωνίζεσθαι μᾶλλον ἐκέλευσεν .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 30.20.6 | Polyb. 30.21.5 (English) | >>Polyb. 30.22.10 |