| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 30.25.13 | Polyb. 30.26.2 (English) | >>Polyb. 30.29.2 |
30.25.18 ταύταις δʼ ἑξῆς ἐπόμπευον ἐν χρυσόποσι μὲν φορείοις ὀγδοήκοντα γυναῖκες , ἐν ἀργυρόποσι δὲ πεντακόσιαι καθήμεναι , πολυτελῶς διεσκευασμέναι . καὶ τῆς μὲν πομπῆς τὰ ἐπιφανέστατα ταῦτα ἦν .
30.25.19
30.26.1
ἦν δὲ ταῦτα πεντεκαίδεκα , καὶ κινναμωμίνου τὰ ἴσα καὶ ναρδίνου . παραπλησίως δὲ καὶ ταῖς ἑξῆς εἰσεφέρετο τήλινον , ἀμαράκινον , ἴρινον , πάντα διαφέροντα ταῖς εὐωδίαις .
30.26.3 ἔστρωτο δὲ εἰς εὐωχίαν ποτὲ μὲν χίλια τρίκλινα , ποτὲ δὲ χίλια πεντακόσια μετὰ τῆς πολυτελεστάτης διασκευῆς .
30.27.1
οἷς οὕτως ἐπιδεξίως ἀπήντησεν Ἀντίοχος καὶ φιλοφρόνως ὥστε μὴ οἷον τοὺς περὶ τὸν Τεβέριον ὑποπτεῦσαί τι περὶ αὐτοῦ πραγματικὸν ἢ παρατριβῆς ἔμφασιν ἔχον ἐκ τῶν κατὰ τὴν Ἀλεξάνδρειαν , ἀλλὰ καὶ τῶν λεγόντων τι τοιοῦτον καταγινώσκειν διὰ τὴν ὑπερβολὴν τῆς κατὰ τὴν ἀπάντησιν φιλανθρωπίας ·
30.27.3 ὅς γε πρὸς τοῖς ἄλλοις καὶ τῆς αὐλῆς παρεχώρησε τοῖς πρεσβευταῖς , μικροῦ δὲ καὶ τοῦ διαδήματος κατὰ τὴν ἐπίφασιν , καίπερ οὐκ ὢν τῇ προαιρέσει τοιοῦτος ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 30.25.13 | Polyb. 30.26.2 (English) | >>Polyb. 30.29.2 |
