| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 30.31.16 | Polyb. 30.32.3 (English) | >>Polyb. 30.32.11 |
30.31.20 οὗτοι γὰρ ἀπομαρτυρήσαντες πρῶτον μὲν πᾶσιν τοῖς τῆς συγκλήτου δόγμασι πεπειθαρχηκέναι τοὺς Ῥοδίους , ἔπειτα πάντας τοὺς αἰτίους τῆς ἀλλοτριότητος κατακεκρίσθαι θανάτου παρʼ αὐτοῖς , ἥττησαν τοὺς ἀντιλέγοντας καὶ ἐποιήσαντο τὴν πρὸς Ῥωμαίους συμμαχίαν . —
30.32.1
αὗται δʼ ἦσαν διότι θαυμάζουσιν πῶς , ὑπὲρ ὧν αὐτοὶ κεκρίκασι , περὶ τούτων αὐτοὺς παρακαλοῦσιν κρίνειν .
30.32.3 διὸ τότε παρῆσαν οἱ περὶ τὸν Εὐρέαν , πάλιν ἐξ ἀρχῆς ἐμφανίζοντες διότι τὸ μὲν ἔθνος οὔτε δικαιολογουμένων ἀκήκοε τῶν κατῃτιαμένων οὔτε κρίσιν οὐδεμίαν πεποίηται περὶ αὐτῶν ,
30.32.4 τὴν δὲ σύγκλητον ἀξιοῖ πρόνοιαν ποιήσασθαι τῶν ἀνθρώπων , ἵνα κρίσεως τύχωσι καὶ μὴ καταφθαρῶσιν ἄκριτοι ,
30.32.5 καὶ μάλιστα μὲν αὐτὴν ἐξετάσασαν διασαφῆσαι τοὺς ἐνόχους ὄντας τοῖς ἐγκλήμασιν · εἰ δὲ διὰ τοὺς περισπασμοὺς αὐτὴ μὴ δύναται τοῦτο ποιῆσαι , τοῖς Ἀχαιοῖς ἐπιτρέψαι περὶ τοῦ πράγματος . οἳ πειράσονται μισοπονήρως χρήσασθαι τοῖς αἰτίοις .
30.32.6 ἡ δὲ σύγκλητος διακούσασα τῶν πρεσβευτῶν , ἀκολούθως ταῖς ἐντολαῖς διαλεγομένων , καὶ δυσχρηστοῦσα διὰ τὸ πανταχόθεν ἐξελέγχεσθαι ·
30.32.7 τό τε γὰρ κρίνειν οὐκ ἐνόμιζεν αὑτῇ καθήκειν , τό τε χωρὶς κρίσεως ἀπολύειν τοὺς ἄνδρας πρόδηλον ἔχειν ἐδόκει τὸν ὄλεθρον τοῖς φίλοις αὐτῶν ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 30.31.16 | Polyb. 30.32.3 (English) | >>Polyb. 30.32.11 |
