| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 31.16.3 | Polyb. 31.18.1 (English) | >>Polyb. 31.18.8 |
31.17.6 αὐτοὶ δὲ πλεύσαντες εἰς τὴν Ἀλεξάνδρειαν ἔφασαν παραστήσεσθαι τὸν βασιλέα πρὸς τὰ παρακαλούμενα καὶ συναντήσειν ἐπὶ τοὺς ὅρους , ἔχοντες κἀκεῖνον μεθʼ αὑτῶν .
31.17.7 τούτοις μὲν οὖν τοῖς λόγοις πεισθεὶς ὁ νεώτερος Πτολεμαῖος , ἀπογνοὺς τὰ κατὰ τὴν Κύπρον τὸ μὲν ξενολόγιον διέλυσεν ,
31.17.8 αὐτὸς δὲ τὸ μὲν πρῶτον εἰς Κρήτην ἀπέπλευσεν , τόν τε Δαμάσιππον ἔχων μεθʼ ἑαυτοῦ καὶ τῶν πρεσβευτῶν ἕνα Γνάιον Μερόλαν · ξενολογήσας δʼ ἐκ τῆς Κρήτης περὶ χιλίους στρατιώτας ἀνήχθη καὶ διάρας εἰς τὴν Λιβύην κατέσχεν ἐπὶ τὸν Ἆπιν .
31.18.1
τοῦ δὲ Πτολεμαίου τὰ μὲν ἐπαγγελλομένου , τὰ δὲ παρακούοντος , καὶ τῷ τοιούτῳ τρόπῳ κατατρίβοντος τὸν χρόνον ,
31.18.3 στρατοπεδεύων ὁ νεώτερος μετὰ τῶν Κρητῶν ἐν τῇ Λιβύῃ περὶ τὸν Ἆπιν κατὰ τὸ συντεταγμένον καὶ τελέως ἀσχάλλων ἐπὶ τῷ μηδὲν διασαφήσασθαι , τὸ μὲν πρῶτον ἐξαπέστειλε τὸν Γνάιον εἰς τὴν Ἀλεξάνδρειαν , ὡς διὰ τούτου κἂν τοὺς περὶ τὸν Τορκουᾶτον ἐπιγενομένους .
31.18.4 συνεξομοιωθέντος δὲ τούτου τοῖς πρότερον , καὶ τοῦ χρόνου διελκομένου , καὶ τετταράκοντα διελθουσῶν ἡμερῶν , καὶ μηδενὸς προσπίπτοντος , εἰς ἀπορίαν ἐνέπιπτε περὶ τῶν ὅλων .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 31.16.3 | Polyb. 31.18.1 (English) | >>Polyb. 31.18.8 |
