Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 31.21.8 | Polyb. 31.22.7 (English) | >>Polyb. 31.23.4 |
31.22.4 μὴ δύνασθαι τὴν φερνὴν τῇ γυναικὶ διαλῦσαι πᾶσαν ἐκ τῶν ἐπίπλων , εἰ μὴ τῶν ἐγγείων τινὰς προσαπέδοντο κτήσεων . ὑπὲρ ὧν ἡμεῖς τὰ κατὰ μέρος ἐν τοῖς πρὸ τούτων εἰρήκαμεν .
31.22.5 ἐξ ὧν εἴποι τις ἂν καταλελύσθαι τὴν δόξαν τῶν θαυμαζομένων παρὰ τοῖς Ἕλλησι περὶ τοῦτο τὸ μέρος ἀνδρῶν ·
31.22.6 εἰ γὰρ τὸ διδομένων χρημάτων ἐπὶ τῷ τοῦ διδόντος συμφέροντι , τούτων ἀπέχεσθαι θαυμαστόν ἐστιν , ὃ λέγεται γεγονέναι περί τε τὸν Ἀθηναῖον Ἀριστείδην καὶ περὶ τὸν Θηβαῖον Ἐπαμινώνδαν ,
31.22.7 τὸ κύριον γενόμενον αὐτὸν ἁπάσης τῆς βασιλείας καὶ λαβόντα τὴν ἐξουσίαν ὡς βούλεται χρήσασθαι , μηδενὸς ἐπιθυμῆσαι πόσῳ θαυμαστότερόν ἐστιν ;
31.22.8 εἰ δʼ ἀπίστῳ τὸ λεγόμενον ἐοικέναι δόξει τισίν , ἐκεῖνο δεῖ λαμβάνειν ἐν νῷ , διότι σαφῶς ὁ γράφων ᾔδει μάλιστα Ῥωμαίους ἀναληψομένους εἰς τὰς χεῖρας τὰ βυβλία ταῦτα διὰ τὸ τὰς ἐπιφανεστάτας καὶ τὰς πλείστας αὐτῶν πράξεις ἐν τούτοις περιέχεσθαι ·
31.22.9 παρʼ οἷς οὔτʼ ἀγνοεῖσθαι ταῦτα δυνατὸν οὔτε συγγνώμης τεύξεσθαι τὸν ψευδολόγον εἰκός ,
31.22.10 διόπερ οὐδεὶς ἂν ἑκὼν εἰς πρόδηλον ἀπιστίαν καὶ καταφρόνησιν ἔδωκεν αὑτόν .
31.22.11 καὶ τοῦτο μνημονευέσθω παρʼ ὅλην τὴν πραγματείαν ἡμῖν , ὅταν τι παράδοξον δοκῶμεν λέγειν περὶ Ῥωμαίων .
31.23.1
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 31.21.8 | Polyb. 31.22.7 (English) | >>Polyb. 31.23.4 |