| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 31.23.3 | Polyb. 31.23.10 (English) | >>Polyb. 31.24.7 |
31.23.7 ἐκπορευομένων γάρ ποτε κατʼ αὐτὸ πάντων ἐκ τῆς οἰκίας τῆς τοῦ Φαβίου , συνέβη τὸν μὲν Φάβιον ἐπὶ τὴν ἀγορὰν ἀπονεῦσαι , τὸν δὲ Πολύβιον ἐπὶ θάτερα μετὰ τοῦ Σκιπίωνος .
31.23.8 προαγόντων δʼ αὐτῶν ὁ Πόπλιος ἡσυχῇ καὶ πρᾴως τῇ φωνῇ φθεγξάμενος καὶ τῷ χρώματι γενόμενος ἐνερευθής ,
31.23.9 Τί δαί φησίν ὦ Πολύβιε , δύο τρώγομεν ἀδελφοί , καὶ διαλέγει συνεχῶς καὶ πάσας τὰς ἐρωτήσεις καὶ τὰς ἀποφάσεις ποιεῖ πρὸς ἐκεῖνον , ἐμὲ δὲ παραπέμπεις ;
31.23.10 ἢ δῆλον ὅτι καὶ σὺ περὶ ἐμοῦ τὴν αὐτὴν ἔχεις διάληψιν , ἣν καὶ τοὺς ἄλλους πολίτας ἔχειν πυνθάνομαι ;
31.23.11 δοκῶ γὰρ εἶναι πᾶσιν ἡσύχιός τις καὶ νωθρός , ὡς ἀκούω , καὶ πολὺ κεχωρισμένος τῆς Ῥωμαϊκῆς αἱρέσεως καὶ πράξεως , ὅτι κρίσεις οὐχ αἱροῦμαι λέγειν .
31.23.12 τὴν δʼ οἰκίαν οὔ φασι τοιοῦτον ζητεῖν προστάτην ἐξ ἧς ὁρμῶμαι , τὸ δʼ ἐναντίον · ὃ καὶ μάλιστά με λυπεῖ .
31.24.1
μὴ πρὸς θεῶν , Σκιπίων , ἔφη , μηδὲ λέγε ταῦτα μηδʼ ἐν νῷ λάμβανε ταῦτα τὸ παράπαν .
31.24.3 οὐδὲ γὰρ καταγινώσκων οὔτε παραπέμπων ἐγώ σε ποιῶ τοῦτο , πολλοῦ γε δεῖν , ἀλλὰ τῷ πρεσβύτερον εἶναι τὸν ἀδελφὸν ἔν τε ταῖς ὁμιλίαις ἄρχομαί τʼ ἀπʼ ἐκείνου καὶ λήγω πάλιν εἰς ἐκεῖνον ἔν τε ταῖς ἀποφάσεσι καὶ συμβουλίαις πρὸς ἐκεῖνον ἀπερείδομαι , δοκῶν καὶ σὲ τῆς αὐτῆς μετέχειν γνώμης ἐκείνῳ .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 31.23.3 | Polyb. 31.23.10 (English) | >>Polyb. 31.24.7 |
