| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 32.5.8 | Polyb. 32.6.2 (English) | >>Polyb. 32.6.9 |
32.5.12 προέγραφε γὰρ τοὺς εὐκαιροῦντας τοῖς βίοις φυγάδας , οὐ μόνον ἄνδρας ἀλλὰ καὶ γυναῖκας ·
32.5.13 ἀναταθεὶς δὲ τὸν φόβον τοῦτον ἐχρηματίζετʼ ἀεὶ τοὺς μὲν ἄνδρας διʼ ἑαυτοῦ , τὰς δὲ γυναῖκας διὰ τῆς μητρὸς Φιλώτιδος ·
32.5.14 πάνυ γὰρ εὐφυὲς ἐγένετο καὶ τοῦτο τὸ πρόσωπον , πρὸς δὲ βίαν καὶ πλεῖόν τι δυνάμενον συνεργεῖν ἢ κατὰ γυναῖκα .
32.6.1
οἱ δὲ πολλοὶ τῶν ἐν τῇ Φοινίκῃ τὰ μὲν διὰ τὸν φόβον , τὰ δὲ καὶ δελεαζόμενοι διὰ τῶν περὶ τὸν Χάροπα κατέκριναν οὐ φυγῆς ἀλλὰ θανάτου πάντας τοὺς προσαγγελθέντας ὡς ἀλλότρια φρονοῦντας Ῥωμαίων .
32.6.3 οὗτοι μὲν οὖν πάντες ἔφυγον , ὁ δὲ Χάροψ ὥρμησεν εἰς τὴν Ῥώμην , ἔχων χρήματα καὶ τοὺς περὶ τὸν Μύρτωνα μεθʼ αὑτοῦ , βουλόμενος ἐπισφραγίσασθαι διὰ τῆς συγκλήτου τὴν αὑτοῦ παρανομίαν .
32.6.4 ἐν ᾧ καιρῷ κάλλιστον μὲν ἐγένετο δεῖγμα τῆς Ῥωμαίων αἱρέσεως , κάλλιστον δὲ θέαμα πᾶσι τοῖς Ἕλλησι τοῖς παρεπιδήμοις , μάλιστα δὲ τοῖς ἀνακεκλημένοις ·
32.6.5 ὅ τε γὰρ Μάρκος , ἀρχιερεὺς ὢν καὶ πρῶτος τῆς συγκλήτου γραφόμενος , ὅ τε Λεύκιος ὁ τὸν Περσέα νικήσας , μεγίστην ἔχων πίστιν καὶ δύναμιν , πυνθανόμενοι τὰ πεπραγμένα τῷ Χάροπι κατὰ τὴν Ἤπειρον ἐκώλυσαν εἰς τὰς οἰκίας αὑτῶν εἰσιέναι τὸν Χάροπα .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 32.5.8 | Polyb. 32.6.2 (English) | >>Polyb. 32.6.9 |
