| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 32.7.2 | Polyb. 32.8.6 (English) | >>Polyb. 32.10.3 |
32.8.3 ὅς γε πρῶτον μὲν παραλαβὼν παρὰ τοῦ πατρὸς τὴν βασιλείαν συνεσταλμένην τελέως εἰς ὀλίγα καὶ λιτὰ πολισμάτια ταῖς μεγίσταις τῶν καθʼ αὑτὸν δυναστειῶν ἐφάμιλλον ἐποίησε τὴν ἰδίαν ἀρχήν ,
32.8.4 οὐ τύχῃ τὸ πλεῖον συνεργῷ χρώμενος , οὐδʼ ἐκ περιπετείας , ἀλλὰ διὰ τῆς ἀγχινοίας καὶ φιλοπονίας , ἔτι δὲ πράξεως τῆς αὑτοῦ .
32.8.5 δεύτερον φιλοδοξότατος ἐγενήθη καὶ πλείστας μὲν τῶν καθʼ αὑτὸν βασιλέων πόλεις Ἑλληνίδας εὐεργέτησε , πλείστους δὲ κατʼ ἰδίαν ἀνθρώπους ἐσωματοποίησε .
32.8.6 τρίτον ἀδελφοὺς ἔχων τρεῖς καὶ κατὰ τὴν ἡλικίαν καὶ πρᾶξιν , πάντας τούτους συνέσχε πειθαρχοῦντας αὑτῷ καὶ δορυφοροῦντας καὶ σῴζοντας τὸ τῆς βασιλείας ἀξίωμα .
32.8.7 τοῦτο δὲ σπανίως εὕροι τις ἂν γεγονός .
C. Olymp. 155, 3. I. Res Italiae
32.9.1
αὗται δʼ εἰσὶν Ἐπέτιον καὶ Τραγύριον · ὁμοίως δὲ καὶ τῶν Δαορσῶν ἐγκαλούντων ,
32.9.3 ἐξαπέστειλεν ἡ σύγκλητος πρεσβευτὰς τοὺς περὶ Γάιον Φάννιον ἐποπτεύσοντας τὰ κατὰ τὴν Ἰλλυρίδα , καὶ μάλιστα τούτων τὰ κατὰ τοὺς Δελματεῖς .
32.9.4 οὗτοι δέ , μέχρι μὲν ἔζη Πλευρᾶτος , ὑπήκουον ἐκείνῳ · μεταλλάξαντος δὲ τούτου τὸν βίον , καὶ διαδεξαμένου Γενθίου τὴν βασιλείαν , ἀποστάντες ἀπὸ τούτου τοῖς ὁμόροις προσεπολέμουν καὶ κατεστρέφοντο τοὺς ἀστυγείτονας , ὧν ἔνιοι καὶ φόρους αὐτοῖς ἔφερον · ὁ δὲ φόρος ἦν θρέμματα καὶ σῖτος .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 32.7.2 | Polyb. 32.8.6 (English) | >>Polyb. 32.10.3 |
