| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 32.8.4 | Polyb. 32.9.5 (English) | >>Polyb. 32.10.8 |
32.9.3 ἐξαπέστειλεν ἡ σύγκλητος πρεσβευτὰς τοὺς περὶ Γάιον Φάννιον ἐποπτεύσοντας τὰ κατὰ τὴν Ἰλλυρίδα , καὶ μάλιστα τούτων τὰ κατὰ τοὺς Δελματεῖς .
32.9.4 οὗτοι δέ , μέχρι μὲν ἔζη Πλευρᾶτος , ὑπήκουον ἐκείνῳ · μεταλλάξαντος δὲ τούτου τὸν βίον , καὶ διαδεξαμένου Γενθίου τὴν βασιλείαν , ἀποστάντες ἀπὸ τούτου τοῖς ὁμόροις προσεπολέμουν καὶ κατεστρέφοντο τοὺς ἀστυγείτονας , ὧν ἔνιοι καὶ φόρους αὐτοῖς ἔφερον · ὁ δὲ φόρος ἦν θρέμματα καὶ σῖτος .
32.9.5 καὶ οἱ μὲν περὶ Φάννιον ἐπὶ τούτοις ἐξώρμησαν . —
32.10.1
παρειληφότων ὑπάτων τὰς ἀρχὰς τῶν περὶ τὸν Σέξτον Ἰούλιον καὶ Λεύκιον Αὐρήλιον , ἐγίνετο περὶ τὰς κατʼ ἰδίαν ἐντεύξεις , οἰκείαν ποιούμενος περικοπὴν καὶ φαντασίαν τῆς ὑποκειμένης περιστάσεως .
32.10.3 παρῆσαν δὲ καὶ παρὰ Δημητρίου πρέσβεις οἱ περὶ τὸν Μιλτιάδην πρὸς ἑκατέραν τὴν ὑπόθεσιν ἡρμοσμένοι · καὶ γὰρ πρὸς Ἀριαράθην ἀπολογεῖσθαι καὶ κατηγορεῖν αὐτοῦ παρεσκευάζοντο φιλαπεχθῶς .
32.10.4 ἀπεστάλκει δὲ καὶ Ὀροφέρνης πρεσβευτὰς τοὺς περὶ Τιμόθεον καὶ Διογένην , στέφανόν τε κομίζοντας τῇ Ῥώμῃ καὶ τὴν φιλίαν καὶ τὴν συμμαχίαν ἀνανεωσομένους , τὸ δὲ πλεῖον συγκαταστησομένους πρὸς τὸν Ἀριαράθην καὶ τὰ μὲν ἀπολογησομένους , τὰ δὲ κατηγορήσοντας .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 32.8.4 | Polyb. 32.9.5 (English) | >>Polyb. 32.10.8 |
