| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 34.10.8 | Polyb. 34.10.16 (English) | >>Polyb. 34.11.3 |
34.10.13 συνεργασαμένων δὲ τοῖς βαρβάροις τῶν Ἰταλιωτῶν ἐν διμήνῳ , παραχρῆμα τὸ χρυσίον εὐωνότερον γενέσθαι τῷ τρίτῳ μέρει καθʼ ὅλην τὴν Ἰταλίαν .
34.10.14 αἰσθομένους δὲ τοὺς Ταυρίσκους μονοπωλεῖν ἐκβαλόντας τοὺς συνεργαζομένους . —
34.10.15
καί φησιν ὅτι τούτων μὲν ἕκαστον μικροῦ δεῖν αὐθημερὸν εὐζώνοις ἀναβῆναι δυνατόν , αὐθημερὸν δὲ καὶ περιελθεῖν ,
34.10.17 τὰς δʼ Ἄλπεις οὐδʼ ἂν πεμπταῖος ἀναβαίη τις · τὸ δὲ μῆκός ἐστι δισχιλίων καὶ διακοσίων σταδίων τὸ παρῆκον παρὰ τὰ πεδία .
34.10.18 τέτταρας δʼ ὑπερβάσεις ὀνομάζει μόνον , διὰ Λιγύων μὲν τὴν ἔγγιστα τῷ Τυρρηνικῷ πελάγει , εἶτα τὴν διὰ Ταυρίνων , ἣν Ἀννίβας διῆλθεν , εἶτα τὴν διὰ Σαλασσῶν , τετάρτην δὲ τὴν διὰ Ῥαιτῶν , ἁπάσας κρημνώδεις .
34.10.19 λίμνας δὲ εἶναί φησιν ἐν τοῖς ὄρεσι πλείους μέν , τρεῖς δὲ μεγάλας , ὧν ἡ μὲν Βήνακος ἔχει μῆκος πεντακοσίων σταδίων , πλάτος δὲ ἑκατὸν τριάκοντα , ἐκρεῖ δὲ ποταμὸς Μίγκιος ·
34.10.20 ἡ δʼ ἑξῆς Λάριος τετρακοσίων , πλάτος δὲ στενωτέρα τῆς πρότερον , ἐξίησι δὲ ποταμὸν τὸν Ἀδούαν ·
34.10.21 τρίτη δὲ Οὐερβανὸς μῆκος ἐγγὺς τριακοσίων σταδίων , πλάτος δὲ τριάκοντα , ποταμὸν δὲ ἐξίησι μέγαν Τίκινον . πάντες δʼ εἰς τὸν Πάδον συρρέουσι .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 34.10.8 | Polyb. 34.10.16 (English) | >>Polyb. 34.11.3 |
