Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 36.9.17 | Polyb. 36.10.6 (English) | >>Polyb. 36.12.2 |
36.10.4 μετὰ δὲ μῆνας τρεῖς ἢ τέτταρας προσπεσούσης φήμης διότι νενίκηκε μάχῃ τοὺς Μακεδόνας πέραν τοῦ Στρυμόνος κατὰ τὴν Ὀδομαντικήν , τινὲς μὲν ἀπεδέχοντο τὸν λόγον , οἱ δὲ πλείους ἀκμὴν ἠπίστουν .
36.10.5 μετʼ οὐ πολὺ δὲ πάλιν ἅμα τοῦ λόγου προσπίπτοντος ὅτι νικᾷ μάχῃ τοὺς Μακεδόνας ἐπὶ τάδε τοῦ Στρυμόνος καὶ πάσης Μακεδονίας κρατεῖ , καὶ Θετταλῶν γράμματα καὶ πρεσβευτὰς πεμψάντων πρὸς τοὺς Ἀχαιοὺς καὶ παρακαλούντων βοηθεῖν , ὡς καὶ περὶ αὐτοὺς ὑπάρχοντος κινδύνου , θαυμαστὸν ἐφάνη καὶ παράδοξον τὸ γεγονός ·
36.10.6 οὐδεμία γὰρ οὔτε πιθανότης οὔτʼ εὐλογία προυφαίνετο περὶ τοῦ συμβεβηκότος . τοιαῦται μὲν οὖν περὶ τούτων ἦσαν διαθέσεις .
36.10.7 —
36.11.1
ἡμεῖς δὲ νομίζοντες ἑαυτοῖς καθήκειν κατὰ πολλοὺς τρόπους τὸ πειθαρχεῖν Ῥωμαίοις , πάντα τἄλλα πάρεργα θέμενοι θερείας ἀρχομένης ἐξεπλεύσαμεν .
36.11.3 ἀφικόμενοι δʼ εἰς Κέρκυραν καὶ καταλαβόντες αὐτοῦ γράμματα παρὰ τῶν ὑπάτων προσπεπτωκότα τοῖς Κερκυραίοις , ἐν οἷς διεσάφουν ὅτι τοὺς μὲν ὁμήρους ἤδη παραδεδώκασιν αὐτοῖς οἱ Καρχηδόνιοι , πάντως ἕτοιμοι δʼ εἰσὶν αὐτοῖς πειθαρχεῖν ,
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 36.9.17 | Polyb. 36.10.6 (English) | >>Polyb. 36.12.2 |