| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 36.14.3 | Polyb. 36.15.7 (English) | >>Polyb. 36.16.9 |
36.15.3 ὅπερ ἥκιστα βούλονται περὶ τοὺς βασιλεῖς ὑπάρχειν ἅπαντες μέν , μάλιστα δὲ τὸ τῶν Βιθυνῶν γένος .
36.15.4 πολλὴ δέ τις ἀσέλγεια καὶ περὶ τὰς σωματικὰς ἐπιθυμίας αὐτῷ συνεξηκολούθει .
36.15.5 παιδείας δὲ καὶ φιλοσοφίας καὶ τῶν ἐν τούτοις θεωρημάτων ἄπειρος εἰς τέλος ἦν
36.15.6 καὶ συλλήβδην τοῦ καλοῦ τί ποτʼ ἔστιν οὐδʼ ἔννοιαν εἶχε , Σαρδαναπάλλου δὲ βάρβαρον βίον ἔζη καὶ μεθʼ ἡμέραν καὶ νύκτωρ .
36.15.7 τοιγαροῦν ἅμα τῷ δράξασθαι βραχείας ἐλπίδος τὸ τῶν βασιλευομένων πλῆθος ἀμετάκλητον ὁρμὴν ἔσχεν εἰς τὸ μὴ μόνον ἀλλότρια φρονεῖν τοῦ βασιλέως , ἀλλὰ καὶ τιμωρίαν βούλεσθαι παρʼ αὐτοῦ λαμβάνειν .
B. Olymp. 157, 4. I. Bellum Punicum Tertium
36.16.1
ὃς ἐβασίλευσεν ἔτη πλείω τῶν ἑξήκονθʼ , ὑγιεινότατος ὢν καὶ πολυχρονιώτατος · ἐνενήκοντα γὰρ ἐτῶν ἐγεγόνει .
36.16.3 ἐγένετο δὲ καὶ δυναμικώτατος τῶν καθʼ αὑτὸν κατὰ τὴν σωματικὴν ἕξιν , ὅς , ὅτε μὲν στῆναι δέοι , στὰς ἐν τοῖς αὐτοῖς ἴχνεσι διʼ ἡμέρας ἔμενε , καθεζόμενος δὲ πάλιν οὐκ ἠγείρετο .
36.16.4 καὶ τὴν ἐπὶ τῶν ἱππικῶν κακοπάθειαν ἡμέραν καὶ νύκτα συνεχῶς διακαρτερῶν οὐδὲν ἔπασχεν . σημεῖον δὲ τῆς σωματικῆς αὐτοῦ δυνάμεως ·
36.16.5 ἔχων ἐνενήκοντʼ ἔτη , καθʼ ὃν καιρὸν μετήλλαξε τὸν βίον , υἱὸν ἀπέλειπε τεττάρων ἐτῶν , ὄνομα Σθέμβανον , ὃν μετὰ ταῦτα Μικίψης υἱοποιήσατο , πρὸς δὲ τούτοις υἱοὺς ἐννέα .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 36.14.3 | Polyb. 36.15.7 (English) | >>Polyb. 36.16.9 |
