Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 38.12.1 | Polyb. 38.12.8 (English) | >>Polyb. 38.13.5 |
38.12.5 καὶ γὰρ συνηθροίσθη πλῆθος ἐργαστηριακῶν καὶ βαναύσων ἀνθρώπων ὅσον οὐδέποτε · πᾶσαι μὲν γὰρ ἐκορύζων αἱ πόλεις , πανδημεὶ δὲ καὶ μάλιστά πως ἡ τῶν Κορινθίων .
38.12.6 ὀλίγοις δέ τισι καὶ λίαν ἤρεσκε τὰ λεγόμενα διὰ τῶν πρεσβευτῶν .
38.12.7 ὁ δὲ Κριτόλαος , ὥσπερ κατʼ εὐχὴν ὑποθέσεως ἐπειλημμένος καὶ θεάτρου συνενθουσιῶντος καὶ παρεστηκότος ταῖς διανοίαις , κατανίστατο μὲν τῶν ἀρχόντων , διέσυρε δὲ τοὺς ἀντιπολιτευομένους , ἐνεπαρρησιάζετο δὲ τοῖς τῶν Ῥωμαίων πρεσβευταῖς ,
38.12.8 φάσκων βούλεσθαι μὲν Ῥωμαίων φίλος ὑπάρχειν , δεσπότας δʼ οὐκ ἂν εὐδοκῆσαι κτησάμενος . καθόλου δὲ παρῄνει ,
38.12.9 λέγων ὡς , ἐὰν μὲν ἄνδρες ὦσιν , οὐκ ἀπορήσουσι συμμάχων , ἐὰν δʼ ἀνδρόγυνοι , κυρίων .
38.12.10 καὶ πολλὰ δή τινα πρὸς ταύτην τὴν ὑπόθεσιν ἐμπορεύων καὶ μεθοδευόμενος ἐκίνει καὶ παρώξυνε τοὺς ὄχλους .
38.12.11 ἐποίει δʼ ἐμφάσεις καὶ περὶ τοῦ μὴ τυχόντως χρῆσθαι ταῖς ἐπιβολαῖς , ἀλλὰ καὶ τῶν βασιλέων τινὰς καὶ τῶν πολιτευμάτων ἔνια κοινωνεῖν αὐτῷ τῆς
38.13.1
καθόλου δʼ ἔφη πολὺν ἤδη χρόνον παρακατεσχηκὼς αὑτὸν οὐκέτι δύνασθαι καρτερεῖν , ἀλλʼ ἐρεῖν τὸ φαινόμενον .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 38.12.1 | Polyb. 38.12.8 (English) | >>Polyb. 38.13.5 |