| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 38.12.3 | Polyb. 38.13.1 (English) | >>Polyb. 38.13.9 |
38.12.8 φάσκων βούλεσθαι μὲν Ῥωμαίων φίλος ὑπάρχειν , δεσπότας δʼ οὐκ ἂν εὐδοκῆσαι κτησάμενος . καθόλου δὲ παρῄνει ,
38.12.9 λέγων ὡς , ἐὰν μὲν ἄνδρες ὦσιν , οὐκ ἀπορήσουσι συμμάχων , ἐὰν δʼ ἀνδρόγυνοι , κυρίων .
38.12.10 καὶ πολλὰ δή τινα πρὸς ταύτην τὴν ὑπόθεσιν ἐμπορεύων καὶ μεθοδευόμενος ἐκίνει καὶ παρώξυνε τοὺς ὄχλους .
38.12.11 ἐποίει δʼ ἐμφάσεις καὶ περὶ τοῦ μὴ τυχόντως χρῆσθαι ταῖς ἐπιβολαῖς , ἀλλὰ καὶ τῶν βασιλέων τινὰς καὶ τῶν πολιτευμάτων ἔνια κοινωνεῖν αὐτῷ τῆς
38.13.1
καθόλου δʼ ἔφη πολὺν ἤδη χρόνον παρακατεσχηκὼς αὑτὸν οὐκέτι δύνασθαι καρτερεῖν , ἀλλʼ ἐρεῖν τὸ φαινόμενον .
38.13.3 δεῖν γὰρ οὐ Λακεδαιμονίους οὐδὲ Ῥωμαίους ἀγωνιᾶν οὕτως ὡς τοὺς ἐξ αὐτῶν συνεργοῦντας τοῖς ἐχθροῖς · εἶναι γάρ τινας τοὺς πλεῖον Ῥωμαίοις εὐνοοῦντας καὶ Λακεδαιμονίοις ἢ τοῖς σφετέροις πράγμασιν .
38.13.4 καὶ τούτων πίστιν ἔφερεν · ἔφη γὰρ Εὐαγόραν τὸν Αἰγιέα καὶ τὸν Τριταιέα Στρατίον πάντα τὰ λεγόμενα διʼ ἀπορρήτων ἐν ταῖς συναρχίαις διασαφεῖν τοῖς περὶ τὸν Γνάιον .
38.13.5 τοῦ δὲ Στρατίου συμμεμιχέναι μὲν τοῖς ἀνθρώποις ὁμολογοῦντος καὶ μετὰ ταῦτα συμμίξειν φάσκοντος φίλοις οὖσι καὶ συμμάχοις , ἀνηγγελκέναι δʼ ὁρκιζομένου μηδὲν τῶν ἐν ταῖς συναρχίαις εἰρημένων , ὀλίγοι μέν τινες ἐπίστευον , οἱ δὲ πλείους προσεδέχοντο τὰς διαβολάς .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 38.12.3 | Polyb. 38.13.1 (English) | >>Polyb. 38.13.9 |
