Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 38.6.2 | Polyb. 38.7.2 (English) | >>Polyb. 38.7.9 |
38.6.5 ἡμεῖς δὲ πάντας διῃρημένοι τοὺς ἐπιφανεστάτους τόπους τῆς οἰκουμένης καὶ τὰς ἐν τούτοις πράξεις καὶ μίαν καὶ τὴν αὐτὴν ἔφοδον ἀεὶ ποιούμενοι κατὰ τὴν τάξιν τῆς διαλήψεως , ἔτι δὲ καθʼ ἕκαστον ἔτος ὡρισμένως ἐξηγούμενοι τὰς καταλλήλους πράξεις ἐνεστηκυίας ,
38.6.6 ἀπολείπομεν πρόδηλον τοῖς φιλομαθοῦσι τὴν ἐπαναγωγὴν ἐπὶ τὸν συνεχῆ λόγον καὶ τὰς μεσολαβηθείσας ἀεὶ τῶν πράξεων , ὥστε μηδὲν ἀτελὲς μηδʼ ἐλλιπὲς γίνεσθαι τοῖς φιληκόοις τῶν προειρημένων .
38.6.7 καὶ περὶ μὲν τούτων ἐπὶ τοσοῦτον .
II. Bellum Punicum Tertium
38.7.1
πολλὰ δὲ σημεῖα τῆς ἀκρισίας αὐτοῦ . πρῶτον μὲν γὰρ παρῆν ἐν πανοπλίᾳ , πορφυρίδα θαλαττίαν ἐπιπεπορπημένος , ἡνίκα Γολόσσῃ συνεγίνετο τῷ τῶν Νομάδων βασιλεῖ , μετὰ μαχαιροφόρων δέκα .
38.7.3 ἔπειτα προβὰς ἀπὸ τῶν δέχʼ ὅσον εἴκοσι πόδας ἀπέστη , προβεβλημένος τάφρον καὶ χάρακα , καὶ κατένευε τῷ βασιλεῖ προσιέναι πρὸς αὑτόν , καθῆκον γίνεσθαι τοὐναντίον .
38.7.4 οὐ μὴν ἀλλʼ ὁ Γολόσσης ἀφελῶς ἔχων Νομαδικῷ τινι τρόπῳ μόνος προσῄει πρὸς αὐτόν · καὶ προσεγγίσας ἤρετο τίνα φοβούμενος τὴν πανοπλίαν ἔχων ἧκε .
38.7.5 τοῦ δʼ εἰπόντος ὅτι Ῥωμαίους , Οὐκ ἂν ἄρʼ ἔφησεν ὁ Γολόσσης ἔδωκας σαυτὸν εἰς τὴν πόλιν , μηδεμίαν ἔχων ἀνάγκην . πλὴν τί βούλει καὶ τί παρακαλεῖς ; φησίν . ὁ δʼ Ἀσδρούβας
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 38.6.2 | Polyb. 38.7.2 (English) | >>Polyb. 38.7.9 |