| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.25.8 | Polyb. 4.26.7 (English) | >>Polyb. 4.27.6 |
4.26.4 διότι χωρὶς κοινοῦ δόγματος λεηλατοῦσι καὶ πορθοῦσι πάντας , οὐκ ἀμύνεσθαι τοὺς ἀδικουμένους , ἐὰν δʼ ἀμύνωνται , νομισθήσεσθαι τούτους κατάρχειν τοῦ πολέμου , πάντων αὐτοὺς εὐηθεστάτους εἶναι .
4.26.5 κομισάμενοι δʼ οἱ τῶν Αἰτωλῶν ἄρχοντες τὴν ἐπιστολὴν ταύτην , τὸ μὲν πρῶτον ἐλπίσαντες οὐχ ἥξειν τὸν Φίλιππον , συνέθεντο ῥητὴν ἡμέραν ἐν ᾗ πρὸς τὸ Ῥίον ἀπαντήσουσι .
4.26.6 γνόντες δὲ παραγινόμενον , ἀπέστειλαν γραμματοφόρον διασαφοῦντες ὡς οὐ δύνανται πρὸ τῆς τῶν Αἰτωλῶν συνόδου διʼ αὑτῶν οὐδὲν ὑπὲρ τῶν ὅλων οἰκονομεῖν .
4.26.7 οἱ δʼ Ἀχαιοὶ συνελθόντες εἰς τὴν καθήκουσαν σύνοδον τό τε δόγμα πάντες ἐπεκύρωσαν καὶ τὸ λάφυρον ἐπεκήρυξαν κατὰ τῶν Αἰτωλῶν .
4.26.8 προσελθόντος δὲ καὶ τοῦ βασιλέως πρὸς τὴν βουλὴν ἐν Αἰγίῳ καὶ διαλεχθέντος διὰ πλειόνων , τὰ ῥηθέντα μετʼ εὐνοίας ἀπεδέξαντο καὶ τὰ προϋπάρχοντα φιλάνθρωπα τοῖς προγόνοις ἀνενεώσαντο πρὸς αὐτὸν τὸν Φίλιππον .
4.27.1
ὑπὲρ ὧν οὐκ οἶδα πῶς χρὴ λέγειν . τὸ γὰρ κοινῷ μὲν δόγματι μὴ πολεμεῖν , πανδημεὶ δὲ στρατεύοντας ἄγειν καὶ φέρειν τὰ τῶν πέλας , καὶ κολάζειν μὲν μηδένα τῶν αἰτίων , στρατηγοὺς δʼ αἱρεῖσθαι καὶ τιμᾶν τοὺς προεστῶτας τῶν τοιούτων ἔργων , ἐμοὶ μὲν δοκεῖ τῆς πάσης γέμειν κακοπραγμοσύνης ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.25.8 | Polyb. 4.26.7 (English) | >>Polyb. 4.27.6 |
