| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.3.5 | Polyb. 4.3.12 (English) | >>Polyb. 4.4.6 |
4.3.10 τὸ μὲν οὖν πρῶτον ἠδίκουν τὰ περὶ τὰς ἐσχατιὰς ποίμνια , μετὰ δὲ ταῦτα , προβαινούσης τῆς ἀπονοίας , ἐνεχείρησαν καὶ τὰς ἐπὶ τῶν ἀγρῶν οἰκίας ἐκκόπτειν , ἀνυπονοήτως τὰς νύκτας ἐπιφαινόμενοι .
4.3.11 τῶν δὲ Μεσσηνίων ἐπὶ τούτοις ἀγανακτούντων καὶ διαπρεσβευομένων πρὸς τὸν Δωρίμαχον , τὰς μὲν ἀρχὰς παρήκουε , βουλόμενος τὰ μὲν ὠφελεῖν τοὺς ὑπʼ αὐτὸν ταττομένους , τὰ δʼ αὐτὸς ὠφελεῖσθαι , μερίτης γινόμενος τῶν λαμβανομένων .
4.3.12 πλεοναζούσης δὲ τῆς παρουσίας τῶν πρεσβειῶν διὰ τὴν συνέχειαν τῶν ἀδικημάτων , αὐτὸς ἥξειν ἐπὶ τὴν Μεσσήνην ἔφη , δικαιολογησόμενος πρὸς τοὺς ἐγκαλοῦντας τοῖς Αἰτωλοῖς .
4.3.13 ἐπειδὴ δὲ παρεγένετο , προσπορευομένων αὐτῷ τῶν ἠδικημένων , τοὺς μὲν διέσυρε χλευάζων , τῶν δὲ κατανίστατο , τοὺς δʼ ἐξέπληττε λοιδορῶν .
4.4.1
οἱ δὲ τῶν Μεσσηνίων ἔφοροι , πάλαι μὲν ἐπί τε τοῖς γινομένοις καὶ τῇ παρεπιδημίᾳ τοῦ Δωριμάχου διαλγοῦντες , τότε δὲ καὶ προσενυβρίζεσθαι δόξαντες , ἀνεκαλοῦντʼ αὐτὸν εἰς τὰς συναρχίας .
4.4.3 ἐν ᾧ καιρῷ Σκύρων , ὃς ἦν μὲν ἔφορος τότε τῶν Μεσσηνίων , εὐδοκίμει δὲ καὶ κατὰ τὸν ἄλλον βίον παρὰ τοῖς πολίταις , συνεβούλευε μὴ προίεσθαι τὸν Δωρίμαχον ἐκ τῆς πόλεως , ἐὰν μὴ τὰ μὲν ἀπολωλότα πάντα τοῖς Μεσσηνίοις ἀποκαταστήσῃ , περὶ δὲ τῶν τεθνεώτων δωσιδίκους παράσχῃ τοὺς ἠδικηκότας .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.3.5 | Polyb. 4.3.12 (English) | >>Polyb. 4.4.6 |
