Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.46.5 | Polyb. 4.48.1 (English) | >>Polyb. 4.48.8 |
4.47.4 οὐκ ἐντρεπομένων δὲ τοῖς ὅλοις , ἀλλὰ πεπεισμένων δίκαια λέγειν ἐκ τῆς ἀντικαταστάσεως τῆς γενομένης παρʼ αὐτοῖς τῶν περὶ τὸν Ἑκατόδωρον καὶ Ὀλυμπιόδωρον πρὸς τοὺς τῶν Ῥοδίων πρεσβευτάς —
4.47.5 οὗτοι γὰρ τότε προέστησαν τοῦ τῶν Βυζαντίων πολιτεύματος — τότε μὲν ἀπηλλάγησαν οἱ Ῥόδιοι περάναντες οὐδέν ,
4.47.6 ἐπανελθόντες δὲ τὸν πόλεμον ἐψηφίσαντο τοῖς Βυζαντίοις διὰ τὰς προειρημένας αἰτίας .
4.47.7 καὶ παραυτίκα πρεσβευτὰς ἐξαπέστελλον πρὸς Προυσίαν , παρακαλοῦντες καὶ τοῦτον εἰς τὸν πόλεμον · ᾔδεσαν γὰρ τὸν Προυσίαν παρατριβόμενον ἔκ τινων πρὸς τοὺς
4.48.1
ὁ μὲν οὖν Ἄτταλος ἦν πρόθυμος , εἶχε δὲ βραχεῖαν τότε ῥοπήν , ὡς ἂν ὑπʼ Ἀχαιοῦ συνεληλαμένος εἰς τὴν πατρῴαν ἀρχήν ·
4.48.3 ὁ δʼ Ἀχαιός , κρατῶν μὲν τῆς ἐπὶ τάδε τοῦ Ταύρου , βασιλέα δὲ προσφάτως αὑτὸν ἀναδεδειχώς , ἐπηγγέλλετο βοηθήσειν .
4.48.4 ὑπάρχων δʼ ἐπὶ ταύτης τῆς προαιρέσεως , τοῖς μὲν Βυζαντίοις μεγάλην ἐλπίδα παρεσκεύαζε , τοῖς δὲ Ῥοδίοις καὶ Προυσίᾳ τἀναντία κατάπληξιν .
4.48.5 Ἀχαιὸς γὰρ ἦν μὲν Ἀντιόχου συγγενὴς τοῦ παρειληφότος τὴν ἐν Συρίᾳ βασιλείαν , ἐγκρατὴς δʼ ἐγένετο τῆς προειρημένης δυναστείας διά τινας τοιαύτας αἰτίας .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.46.5 | Polyb. 4.48.1 (English) | >>Polyb. 4.48.8 |