Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.47.2 | Polyb. 4.48.4 (English) | >>Polyb. 4.48.10 |
4.47.7 καὶ παραυτίκα πρεσβευτὰς ἐξαπέστελλον πρὸς Προυσίαν , παρακαλοῦντες καὶ τοῦτον εἰς τὸν πόλεμον · ᾔδεσαν γὰρ τὸν Προυσίαν παρατριβόμενον ἔκ τινων πρὸς τοὺς
4.48.1
ὁ μὲν οὖν Ἄτταλος ἦν πρόθυμος , εἶχε δὲ βραχεῖαν τότε ῥοπήν , ὡς ἂν ὑπʼ Ἀχαιοῦ συνεληλαμένος εἰς τὴν πατρῴαν ἀρχήν ·
4.48.3 ὁ δʼ Ἀχαιός , κρατῶν μὲν τῆς ἐπὶ τάδε τοῦ Ταύρου , βασιλέα δὲ προσφάτως αὑτὸν ἀναδεδειχώς , ἐπηγγέλλετο βοηθήσειν .
4.48.4 ὑπάρχων δʼ ἐπὶ ταύτης τῆς προαιρέσεως , τοῖς μὲν Βυζαντίοις μεγάλην ἐλπίδα παρεσκεύαζε , τοῖς δὲ Ῥοδίοις καὶ Προυσίᾳ τἀναντία κατάπληξιν .
4.48.5 Ἀχαιὸς γὰρ ἦν μὲν Ἀντιόχου συγγενὴς τοῦ παρειληφότος τὴν ἐν Συρίᾳ βασιλείαν , ἐγκρατὴς δʼ ἐγένετο τῆς προειρημένης δυναστείας διά τινας τοιαύτας αἰτίας .
4.48.6 Σελεύκου μεταλλάξαντος τὸν βίον , ὃς ἦν Ἀντιόχου τοῦ προειρημένου πατήρ , διαδεξαμένου δὲ τὴν βασιλείαν Σελεύκου πρεσβυτάτου τῶν υἱῶν , ἅμα τούτῳ διὰ τὴν οἰκειότητα συνυπερέβαλε τὸν Ταῦρον , δυσὶ μάλιστά πως ἔτεσι πρότερον τῶν νῦν λεγομένων καιρῶν .
4.48.7 Σέλευκος γὰρ ὁ νέος ὡς θᾶττον παρέλαβε τὴν βασιλείαν , πυνθανόμενος Ἄτταλον πᾶσαν ἤδη τὴν ἐπὶ τάδε τοῦ Ταύρου δυναστείαν ὑφʼ αὑτὸν πεποιῆσθαι , παρωρμήθη βοηθεῖν τοῖς σφετέροις πράγμασιν .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.47.2 | Polyb. 4.48.4 (English) | >>Polyb. 4.48.10 |