| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.53.2 | Polyb. 4.53.8 (English) | >>Polyb. 4.55.1 |
4.53.5 τὸ μὲν οὖν πρῶτον ἐπολέμουν πάντες οἱ Κρηταιεῖς τοῖς Λυττίοις · ἐγγενομένης δὲ φιλοτιμίας ἐκ τῶν τυχόντων , ὅπερ ἔθος ἐστὶ Κρησίν , ἐστασίασαν πρὸς τοὺς ἄλλους .
4.53.6 καὶ Πολυρρήνιοι μὲν καὶ Κεραῗται καὶ Λαππαῖοι , πρὸς δὲ τούτοις Ὅριοι μετʼ Ἀρκάδων , ὁμοθυμαδὸν ἀποστάντες τῆς τῶν Κνωσίων φιλίας ,
4.53.7 ἔγνωσαν τοῖς Λυττίοις συμμαχεῖν , τῶν δὲ Γορτυνίων οἱ μὲν πρεσβύτεροι τὰ τῶν Κνωσίων , οἱ δὲ νεώτεροι τὰ τῶν Λυττίων αἱρούμενοι , διεστασίασαν πρὸς ἀλλήλους .
4.53.8 οἱ δὲ Κνώσιοι , παραδόξου γεγονότος αὐτοῖς τοῦ περὶ τοὺς συμμάχους κινήματος , ἐπισπῶνται χιλίους ἐξ Αἰτωλίας ἄνδρας κατὰ συμμαχίαν .
4.53.9 οὗ γενομένου παραυτίκα τῶν Γορτυνίων οἱ πρεσβύτεροι καταλαμβανόμενοι τὴν ἄκραν εἰσάγονται τούς τε Κνωσίους καὶ τοὺς Αἰτωλούς · καὶ τοὺς μὲν ἐξέβαλον , τοὺς δʼ ἀπέκτειναν τῶν
4.54.1
καὶ τὰ μὲν τέκνα καὶ τὰς γυναῖκας εἰς Κνωσὸν ἀπέπεμψαν , τὴν δὲ πόλιν ἐμπρήσαντες καὶ κατασκάψαντες καὶ λωβησάμενοι κατὰ πάντα τρόπον ἐπανῆλθον .
4.54.3 οἱ δὲ Λύττιοι παραγενόμενοι πρὸς τὴν πόλιν ἀπὸ τῆς ἐξοδείας , καὶ συνθεασάμενοι τὸ συμβεβηκός , οὕτως περιπαθεῖς ἐγένοντο ταῖς ψυχαῖς ὥστε μηδʼ εἰσελθεῖν μηδένα τολμῆσαι τῶν παρόντων εἰς τὴν πατρίδα ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.53.2 | Polyb. 4.53.8 (English) | >>Polyb. 4.55.1 |
