| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.60.2 | Polyb. 4.60.8 (English) | >>Polyb. 4.61.4 |
4.60.5 ἰδίᾳ δὲ συστήσασθαι μισθοφόρους , πεζοὺς μὲν τριακοσίους , ἱππεῖς δὲ πεντήκοντα , καὶ διὰ τούτων ἀσφαλίζεσθαι τὴν χώραν .
4.60.6 τοῦτο δὲ πράξαντες ὑπὲρ μὲν τῶν καθʼ αὑτοὺς πραγμάτων ἐνδεχομένως ἔδοξαν βεβουλεῦσθαι , περὶ δὲ τῶν κοινῶν τἀναντία · πονηρᾶς γὰρ ἐφόδου καὶ προφάσεως τοῖς βουλομένοις διαλύειν τὸ ἔθνος ἐδόκουν ἀρχηγοὶ καὶ καθηγεμόνες γεγονέναι .
4.60.7 ταύτης δὲ τῆς πράξεως τὸ μὲν πλεῖστον τῆς αἰτίας ἐπὶ τὸν στρατηγὸν ἄν τις ἀναφέροι δικαίως τὸν ὀλιγωροῦντα καὶ καταμέλλοντα καὶ προϊέμενον ἀεὶ τοὺς δεομένους .
4.60.8 πᾶς γὰρ ὁ κινδυνεύων , ἕως μὲν ἄν τινος ἐλπίδος ἀντέχηται παρὰ τῶν οἰκείων καὶ συμμάχων , προσανέχειν φιλεῖ ταύταις · ὅταν δὲ δυσχρηστῶν ἀπογνῷ , τότʼ ἤδη βοηθεῖν ἀναγκάζεθʼ αὑτῷ κατὰ δύναμιν .
4.60.9 διὸ καὶ Τριταιεῦσι καὶ Φαραιεῦσι καὶ Δυμαίοις , ὅτι μὲν ἰδίᾳ συνεστήσαντο μισθοφόρους , καταμέλλοντος τοῦ τῶν Ἀχαιῶν ἡγεμόνος , οὐκ ἐγκλητέον · ὅτι δὲ τὰς εἰς τὸ κοινὸν εἰσφορὰς ἀπεῖπαν , μεμψιμοιρητέον .
4.60.10 ἐχρῆν γὰρ τὴν μὲν ἰδίαν χρείαν μὴ παραλιπεῖν , εὐκαιροῦντάς γε δὴ καὶ δυναμένους , τὰ δὲ πρὸς τὴν κοινὴν πολιτείαν δίκαια συντηρεῖν , ἄλλως τε δὴ καὶ κομιδῆς ὑπαρχούσης ἀδιαπτώτου κατὰ τοὺς κοινοὺς νόμους , τὸ δὲ μέγιστον , γεγονότας ἀρχηγοὺς τοῦ τῶν Ἀχαιῶν συστήματος .
4.61.1
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.60.2 | Polyb. 4.60.8 (English) | >>Polyb. 4.61.4 |
