Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.62.2 | Polyb. 4.63.3 (English) | >>Polyb. 4.63.9 |
4.62.5 ἔσχον γὰρ ἐκ τούτων διάληψιν ὡς τῆς μὲν Αἰτωλίας οὐδʼ ἐγγίζειν τολμήσοντος οὐδενός , αὐτοὶ δὲ πορθήσοντες ἀδεῶς οὐ μόνον τὴν Πελοπόννησον , καθάπερ ἔθος ἦν αὐτοῖς , ἀλλὰ καὶ τὴν Θετταλίαν καὶ τὴν Μακεδονίαν .
4.63.1
χρησάμενος δὲ τοῖς τε χώμασιν ἐνεργῶς καὶ τῇ λοιπῇ παρασκευῇ ταχέως κατεπλήξατο τοὺς ἐνόντας , καὶ παρέλαβε τὸ χωρίον ἐν ἡμέραις τετταράκοντα ταῖς πάσαις .
4.63.3 ἀφεὶς δὲ τοὺς φυλάττοντας ὑποσπόνδους , ὄντας εἰς πεντακοσίους Αἰτωλῶν , τὴν μὲν τῶν Ἠπειρωτῶν ἐπιθυμίαν ἐπλήρωσε , παραδοὺς τὸν Ἄμβρακον ,
4.63.4 αὐτὸς δʼ ἀναλαβὼν τὴν δύναμιν προῆγε παρὰ Χαράδραν , σπεύδων διαβῆναι τὸν Ἀμβρακικὸν καλούμενον κόλπον , οὗ στενώτατόν ἐστι , κατὰ τὸ τῶν Ἀκαρνάνων ἱερὸν καλούμενον Ἄκτιον .
4.63.5 ὁ γὰρ προειρημένος κόλπος ἐκπίπτει μὲν ἐκ τοῦ Σικελικοῦ πελάγους μεταξὺ τῆς Ἠπείρου καὶ τῆς Ἀκαρνανίας στενῷ παντελῶς στόματι — λείπει γὰρ τῶν πέντε σταδίων —
4.63.6 προβαίνων δʼ εἰς τὴν μεσόγαιαν κατὰ μὲν τὸ πλάτος ἐφʼ ἑκατὸν στάδια κεῖται , κατὰ δὲ τὸ μῆκος ἀπὸ τοῦ πελάγους προπίπτει περὶ τριακόσια στάδια · διορίζει δὲ τὴν Ἤπειρον καὶ τὴν Ἀκαρνανίαν , ἔχων τὴν μὲν Ἤπειρον ἀπὸ τῶν ἄρκτων , τὴν δʼ Ἀκαρνανίαν ἀπὸ μεσημβρίας .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.62.2 | Polyb. 4.63.3 (English) | >>Polyb. 4.63.9 |