Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.74.8 | Polyb. 4.75.7 (English) | >>Polyb. 4.76.6 |
4.75.4 αὐτὸς δὲ τὴν ἀποσκευὴν καταλιπὼν ἐν τῷ χάρακι καὶ τὸ πλεῖον μέρος τῆς δυνάμεως , ἀναλαβὼν τοὺς πελταστὰς καὶ τοὺς εὐζώνους προῆγε διὰ τῶν στενῶν · οὐδενὸς δὲ κωλύοντος ἧκε πρὸς τὸ χωρίον .
4.75.5 καταπλαγέντων δὲ τῶν συμπεφευγότων τὴν ἔφοδον , ἅτε δὴ πρὸς πᾶσαν πολεμικὴν χρείαν ἀπείρως καὶ ἀπαρασκεύως διακειμένων , ἅμα δὲ καὶ συνδεδραμηκότος ὄχλου συρφετώδους , ταχέως παρέδοσαν αὑτούς ·
4.75.6 ἐν οἷς ἦσαν καὶ μισθοφόροι διακόσιοι μιγάδες , οὓς ἧκεν ἔχων Ἀμφίδαμος ὁ στρατηγὸς τῶν Ἠλείων .
4.75.7 ὁ δὲ Φίλιππος , κυριεύσας ἀποσκευῆς τε πολλῆς καὶ σωμάτων πλειόνων ἢ πεντακισχιλίων , πρὸς δὲ τούτοις τῆς τετράποδος λείας ἀναρίθμητον ἐξελασάμενος πλῆθος , τότε μὲν ἐπανῆλθε πρὸς χάρακα ,
4.75.8 μετὰ δὲ ταῦτα τῆς δυνάμεως ὑπεργεμούσης αὐτῷ παντοδαπῆς ὠφελείας , βαρὺς ὢν καὶ δύσχρηστος , ἀνεχώρει διὰ ταῦτα , καὶ κατέζευξε πάλιν εἰς τὴν Ὀλυμπίαν .
4.76.1
Θετταλοὶ γὰρ ἐδόκουν μὲν κατὰ νόμους πολιτεύειν καὶ πολὺ διαφέρειν Μακεδόνων , διέφερον δʼ οὐδέν , ἀλλὰ πᾶν ὁμοίως ἔπασχον Μακεδόσι καὶ πᾶν ἐποίουν τὸ προσταττόμενον τοῖς βασιλικοῖς .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.74.8 | Polyb. 4.75.7 (English) | >>Polyb. 4.76.6 |