| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.76.5 | Polyb. 4.77.2 (English) | >>Polyb. 4.77.8 |
4.76.9 διακούσας ὁ Φίλιππος τὰ γεγονότα , τοὺς μὲν νεανίσκους παρεκάλει θαρρεῖν , ὡς οὐδενὸς αὐτοῖς ἔτι συμβησομένου τοιούτου , τῷ δʼ Ἀπελλῇ παρήγγειλε μηδὲν ἐπιτάττειν τοῖς Ἀχαιοῖς χωρὶς τῆς τοῦ στρατηγοῦ γνώμης .
4.77.1
βασιλέα γὰρ πλείοσιν ἀφορμαῖς ἐκ φύσεως κεχορηγημένον πρὸς πραγμάτων κατάκτησιν οὐκ εὐμαρὲς εὑρεῖν ·
4.77.3 καὶ γὰρ ἀγχίνοια καὶ μνήμη καὶ χάρις ἐπῆν αὐτῷ διαφέρουσα , πρὸς δὲ τούτοις ἐπίφασις βασιλικὴ καὶ δύναμις , τὸ δὲ μέγιστον , πρᾶξις καὶ τόλμα πολεμική .
4.77.4 καὶ τί δή ποτʼ ἦν τὸ ταῦτα πάντα καταγωνισάμενον καὶ ποιῆσαν ἐκ βασιλέως εὐφυοῦς τύραννον ἄγριον οὐκ εὐχερὲς διὰ βραχέων δηλῶσαι . διὸ καὶ περὶ μὲν τούτων σκέπτεσθαι καὶ διαπορεῖν ἄλλος ἁρμόσει καιρὸς μᾶλλον τοῦ νῦν ἐνεστῶτος ·
4.77.5 ὁ δὲ Φίλιππος ἐκ τῆς Ὀλυμπίας ἀναζεύξας τὴν ἐπὶ Φαραίαν παρῆν εἰς Τέλφουσαν κἀκεῖθεν εἰς Ἡραίαν . καὶ τὴν μὲν λείαν ἐλαφυροπώλει , τὴν δὲ γέφυραν ἐπεσκεύαζε τὴν κατὰ τὸν Ἀλφειόν , βουλόμενος ταύτῃ ποιήσασθαι τὴν εἰς τὴν Τριφυλίαν εἰσβολήν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 4.76.5 | Polyb. 4.77.2 (English) | >>Polyb. 4.77.8 |
