Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.81.14 | Polyb. 4.82.7 (English) | >>Polyb. 4.83.5 |
4.82.4 ἐξετάζων τοὺς ἀντιπολιτευομένους τοῖς περὶ τὸν Ἄρατον , τίνες εἰσίν , ἑκάστους ἐκ τῶν πόλεων ἐπεσπάσατο , καὶ λαμβάνων εἰς τὰς χεῖρας ἐψυχαγώγει καὶ παρεκάλει πρὸς τὴν ἑαυτοῦ φιλίαν .
4.82.5 συνίστανε δὲ καὶ τῷ Φιλίππῳ , προσεπιδεικνύων αὐτῷ παρʼ ἕκαστον ὡς ἐὰν μὲν Ἀράτῳ προσέχῃ , χρήσεται τοῖς Ἀχαιοῖς κατὰ τὴν ἔγγραπτον συμμαχίαν , ἐὰν δʼ αὐτῷ πείθηται καὶ τοιούτους προσλαμβάνῃ φίλους , χρήσεται πᾶσι Πελοποννησίοις κατὰ τὴν αὑτοῦ βούλησιν .
4.82.6 περί τε τῶν ἀρχαιρεσίων εὐθὺς ἐσπούδαζε , βουλόμενος τούτων τινὶ περιποιῆσαι τὴν στρατηγίαν , τοὺς δὲ περὶ τὸν Ἄρατον ἐκβαλεῖν ἐκ τῆς ὑποθέσεως .
4.82.7 διʼ ἃ δὴ καὶ πείθει Φίλιππον παραγενέσθαι πρὸς τὰς τῶν Ἀχαιῶν ἀρχαιρεσίας εἰς Αἴγιον , ὡς εἰς τὴν Ἠλείαν ἅμα ποιούμενον τὴν πορείαν .
4.82.8 πεισθέντος δʼ αὐτῷ τοῦ βασιλέως , παρὼν αὐτὸς ἐπὶ τοῦ καιροῦ , καὶ τοὺς μὲν παρακαλῶν , οἷς δʼ ἀνατεινόμενος , μόλις μὲν ἤνυσε , κατεκράτησε δʼ οὖν ὅμως τοῦ γενέσθαι στρατηγὸν Ἐπήρατον Φαραιέα , τὸν δὲ Τιμόξενον ἐκπεσεῖν , τὸν ὑπὸ τῶν περὶ τὸν Ἄρατον εἰσαγόμενον .
4.83.1
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 4.81.14 | Polyb. 4.82.7 (English) | >>Polyb. 4.83.5 |