| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.102.3 | Polyb. 5.103.1 (English) | >>Polyb. 5.103.8 |
5.102.8 καὶ πάντʼ ἀφεὶς τὰ τοῦ πολέμου πρὸς μὲν τὰς συμμαχίδας πόλεις γραμματοφόρους ἐξαπέστειλε , παρακαλῶν πέμπειν τοὺς συνεδρεύσοντας καὶ μεθέξοντας τῆς ὑπὲρ τῶν διαλύσεων κοινολογίας ,
5.102.9 αὐτὸς δὲ διαβὰς μετὰ τῆς δυνάμεως καὶ καταστρατοπεδεύσας περὶ Πάνορμον , ὃς ἔστι μὲν τῆς Πελοποννήσου λιμήν , κεῖται δὲ καταντικρὺ τῆς τῶν Ναυπακτίων πόλεως , ἀνέμενε τοὺς τῶν συμμάχων συνέδρους .
5.102.10 κατὰ δὲ τὸν καιρὸν τοῦτον , καθʼ ὃν ἔδει συναθροίζεσθαι τοὺς προειρημένους , πλεύσας εἰς Ζάκυνθον διʼ αὑτοῦ κατεστήσατο τὰ κατὰ τὴν νῆσον , καὶ παρῆν
5.103.1
οἳ καὶ συμμίξαντες τοῖς Αἰτωλοῖς πανδημεὶ συνηθροισμένοις ἐν Ναυπάκτῳ , βραχέα διαλεχθέντες καὶ θεωροῦντες αὐτῶν τὴν ὁρμὴν τὴν πρὸς τὰς διαλύσεις , ἔπλεον ἐξ ὑποστροφῆς πρὸς τὸν Φίλιππον χάριν τοῦ διασαφῆσαι περὶ τούτων .
5.103.3 οἱ δʼ Αἰτωλοί , σπεύδοντες διαλύσασθαι τὸν πόλεμον , ἐξαπέστελλον ἅμα τούτοις πρέσβεις πρὸς τὸν Φίλιππον , ἀξιοῦντες παραγενέσθαι μετὰ τῆς δυνάμεως πρὸς σφᾶς , ἵνα τῆς κοινολογίας ἐκ χειρὸς γινομένης τύχῃ τὰ πράγματα τῆς ἁρμοζούσης διεξαγωγῆς .
5.103.4 ὁ δὲ βασιλεὺς παρορμηθεὶς τοῖς παρακαλουμένοις διέπλευσε μετὰ τῆς δυνάμεως πρὸς τὰ λεγόμενα Κοῖλα τῆς Ναυπακτίας , ἃ τῆς πόλεως εἴκοσι μάλιστα σταδίους ἀφέστηκε ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.102.3 | Polyb. 5.103.1 (English) | >>Polyb. 5.103.8 |
