| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.108.3 | Polyb. 5.108.10 (English) | >>Polyb. 5.110.2 |
5.108.8 πλὴν ὅ γε Φίλιππος στρατεύσας ἀνεκτήσατο μὲν τὰς προειρημένας πόλεις , κατελάβετο δὲ τῆς μὲν Δασσαρήτιδος Κρεώνιον καὶ Γεροῦντα , τῶν δὲ περὶ τὴν Λυχνιδίαν λίμνην Ἐγχελᾶνας , Κέρακα , Σατίωνα , Βοιούς , τῆς δὲ Καλοικίνων χώρας Βαντίαν , ἔτι δὲ τῶν καλουμένων Πισαντίνων Ὀργησσόν .
5.108.9 ἐπιτελεσάμενος δὲ ταῦτα διαφῆκε τὰς δυνάμεις εἰς παραχειμασίαν . ἦν δʼ ὁ χειμὼν οὗτος , καθʼ ὃν Ἀννίβας , πεπορθηκὼς τοὺς ἐπιφανεστάτους τόπους τῆς Ἰταλίας ἔμελλε περὶ τὸ Γερούνιον τῆς Δαυνίας ποιεῖσθαι τὴν παραχειμασίαν .
5.108.10 Ῥωμαῖοι δὲ τότε κατέστησαν στρατηγοὺς αὑτῶν Γάιον Τερέντιον καὶ Λεύκιον Αἰμίλιον .
5.109.1
τοῦτο μὲν γὰρ οὐδʼ ἂν ἤλπισε δυνατὸς εἶναι , Ῥωμαίοις διαναυμαχεῖν — ἀλλὰ μᾶλλον ἕως τοῦ παρακομίζειν στρατιώτας καὶ θᾶττον διαίρειν οὗ πρόθοιτο καὶ παραδόξως ἐπιφαίνεσθαι τοῖς πολεμίοις ·
5.109.3 διόπερ ὑπολαβὼν ἀρίστην εἶναι πρὸς ταῦτα τὴν τῶν Ἰλλυριῶν ναυπηγίαν ἑκατὸν ἐπεβάλετο λέμβους κατασκευάζειν , σχεδὸν πρῶτος τῶν ἐν Μακεδονίᾳ βασιλέων .
5.109.4 καταρτίσας δὲ τούτους συνῆγε τὰς δυνάμεις ἀρχομένης θερείας , καὶ βραχέα προσασκήσας τοὺς Μακεδόνας ἐν ταῖς εἰρεσίαις ἀνήχθη .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.108.3 | Polyb. 5.108.10 (English) | >>Polyb. 5.110.2 |
