| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.108.10 | Polyb. 5.110.1 (English) | >>Polyb. 5.110.9 |
5.109.4 καταρτίσας δὲ τούτους συνῆγε τὰς δυνάμεις ἀρχομένης θερείας , καὶ βραχέα προσασκήσας τοὺς Μακεδόνας ἐν ταῖς εἰρεσίαις ἀνήχθη .
5.109.5 κατὰ δὲ τὸν αὐτὸν καιρὸν Ἀντίοχος μὲν ὑπερέβαλε τὸν Ταῦρον , Φίλιππος δὲ ποιησάμενος τὸν πλοῦν διʼ Εὐρίπου καὶ τοῦ περὶ Μαλέαν ἧκε πρὸς τοὺς περὶ Κεφαλληνίαν καὶ Λευκάδα τόπους , ἐν οἷς καθορμισθεὶς ἐκαραδόκει πολυπραγμονῶν τὸν τῶν Ῥωμαίων στόλον .
5.109.6 πυνθανόμενος δὲ περὶ τὸ Λιλύβαιον αὐτοὺς ὁρμεῖν , θαρρήσας ἀνήχθη , καὶ προῆγε ποιούμενος τὸν πλοῦν ὡς ἐπʼ
5.110.1
τῶν γὰρ ἐπὶ τῆς οὐραγίας πλεόντων τινὲς λέμβοι , καθορμισθέντες εἰς τὴν νῆσον , ἣ καλεῖται μὲν Σάσων , κεῖται δὲ κατὰ τὴν εἰσβολὴν τὴν εἰς τὸν Ἰόνιον πόρον , ἧκον ὑπὸ νύκτα πρὸς τὸν Φίλιππον , φάσκοντες συνωρμηκέναι τινὰς αὐτοῖς πλέοντας ἀπὸ πορθμοῦ ,
5.110.3 τούτους δʼ ἀπαγγέλλειν , ὅτι καταλείποιεν ἐν Ῥηγίῳ πεντήρεις Ῥωμαϊκὰς πλεούσας ἐπʼ Ἀπολλωνίας καὶ πρὸς Σκερδιλαΐδαν .
5.110.4 ὁ δὲ Φίλιππος , ὑπολαβὼν ὅσον οὔπω τὸν στόλον ἐπʼ αὐτὸν παρεῖναι , περίφοβος γενόμενος καὶ ταχέως ἀνασπάσας τὰς ἀγκύρας αὖτις εἰς τοὐπίσω παρήγγειλε πλεῖν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.108.10 | Polyb. 5.110.1 (English) | >>Polyb. 5.110.9 |
