| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.14.5 | Polyb. 5.15.1 (English) | >>Polyb. 5.16.1 |
5.14.10 ὁ δʼ οὐ μόνον ἐνέβαλε μετὰ τῆς δυνάμεως , ἀλλὰ καὶ πᾶν ὃ προέθετο συντελεσάμενος ἀσφαλῶς ἐποιήσατο τὴν ἐπάνοδον . διʼ ἃ περιχαρὴς ὢν οὗτος μὲν ἐγίνετο περὶ τὴν τῶν ἡγεμόνων ὑποδοχήν ·
5.14.11 οἱ δὲ περὶ τὸν Μεγαλέαν καὶ Λεόντιον δυσχερῶς ἔφερον τὴν γεγενημένην ἐπιτυχίαν τοῦ βασιλέως , ὡς ἂν διατεταγμένοι μὲν πρὸς τὸν Ἀπελλῆν πάσαις ἐμποδιεῖν ταῖς ἐπιβολαῖς αὐτοῦ , μὴ δυνάμενοι δὲ τοῦτο ποιεῖν ,
5.14.12 ἀλλὰ τῶν πραγμάτων αὐτοῖς κατὰ τοὐναντίον προχωρούντων , διεσφαλμένοι προφανῶς . ἀλλʼ ἧκόν γε πρὸς τὸ δεῖπνον .
5.15.1
προβαίνοντος δὲ τοῦ πότου , κἄπειτα γενομένης ἀκαιρίας καὶ πολυποσίας , ἀναγκασθέντες συμπεριφέρεσθαι , ταχέως ἐξεθεάτρισαν αὑτούς .
5.15.3 λυθείσης γὰρ τῆς συνουσίας ὑπό τε τῆς μέθης καὶ τῆς ἀλογιστίας ἐλαυνόμενοι , περιῄεσαν ζητοῦντες τὸν Ἄρατον .
5.15.4 συμμίξαντες δὲ κατὰ τὴν ἐπάνοδον αὐτῷ , τὸ μὲν πρῶτον ἐλοιδόρουν , μετὰ δὲ βάλλειν ἐνεχείρησαν τοῖς λίθοις .
5.15.5 προσβοηθούντων δὲ πλειόνων ἀμφοτέροις θόρυβος ἦν καὶ κίνημα κατὰ τὴν παρεμβολήν . ὁ δὲ βασιλεὺς ἀκούων τῆς κραυγῆς , ἐξαπέστειλε τοὺς ἐπιγνωσομένους καὶ διαλύσοντας τὴν ταραχήν .
5.15.6 ὁ μὲν οὖν Ἄρατος , παραγενομένων τούτων , εἰπὼν τὰ γεγονότα καὶ μάρτυρας παρασχόμενος τοὺς συμπαρόντας , ἀπηλλάττετο ταύτης τῆς ἀδικίας
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.14.5 | Polyb. 5.15.1 (English) | >>Polyb. 5.16.1 |
