| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.18.2 | Polyb. 5.18.10 (English) | >>Polyb. 5.19.7 |
5.18.7 ὁ γὰρ Φίλιππος τολμηρότερον καὶ πρακτικώτερον ἢ κατὰ τὴν ἡλικίαν χρώμενος ταῖς ἐπιβολαῖς εἰς ἀπορίαν καὶ δυσχρηστίαν ἅπαντας ἦγε τοὺς πολεμίους .
5.18.8 ἀναχθεὶς γὰρ ἐκ μέσης Αἰτωλίας , καθάπερ ἐπάνω προεῖπον , καὶ διανύσας ἐν νυκτὶ τὸν Ἀμβρακικὸν κόλπον , εἰς Λευκάδα κατῆρε .
5.18.9 δύο δὲ μείνας ἡμέρας ἐνταῦθα , τῇ τρίτῃ ποιησάμενος ὑπὸ τὴν ἑωθινὴν τὸν ἀνάπλουν , δευτεραῖος πορθήσας ἅμα τὴν τῶν Αἰτωλῶν παραλίαν ἐν Λεχαίῳ καθωρμίσθη .
5.18.10 μετὰ δὲ ταῦτα κατὰ τὸ συνεχὲς ποιούμενος τὰς πορείας ἑβδομαῖος ἐπέβαλε τοῖς ὑπὲρ τὴν πόλιν κειμένοις παρὰ τὸ Μενελάιον λόφοις , ὥστε τοὺς πλείστους ὁρῶντας τὸ γεγονὸς μὴ πιστεύειν τοῖς συμβαίνουσιν .
περιδεεῖς γεγονότες διὰ τὸ παράδοξον , ἠπόρουν καὶ δυσχρήστως διέκειντο πρὸς τὸ παρόν .
5.19.1
αἱ δʼ Ἀμύκλαι καλούμεναι τόπος ἐστὶ τῆς Λακωνικῆς χώρας καλλιδενδρότατος καὶ καλλικαρπότατος , ἀπέχει δὲ τῆς Λακεδαίμονος ὡς εἴκοσι σταδίους .
5.19.3 ὑπάρχει δὲ καὶ τέμενος Ἀπόλλωνος ἐν αὐτῷ σχεδὸν ἐπιφανέστατον τῶν κατὰ τὴν Λακωνικὴν ἱερῶν . κεῖται δὲ τῆς πόλεως ἐν τοῖς πρὸς θάλατταν κεκλιμένοις μέρεσι .
5.19.4 τῇ δʼ ἐπιούσῃ πορθῶν ἅμα τὴν χώραν εἰς τὸν Πύρρου καλούμενον κατέβη χάρακα . δύο δὲ τὰς ἑξῆς ἡμέρας ἐπιδραμὼν καὶ δῃώσας τοὺς σύνεγγυς τόπους ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.18.2 | Polyb. 5.18.10 (English) | >>Polyb. 5.19.7 |
