| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.18.10 | Polyb. 5.19.7 (English) | >>Polyb. 5.20.6 |
5.19.5 κατεστρατοπέδευσε περὶ τὸ Κάρνιον , ὅθεν ὁρμήσας ἦγε πρὸς Ἀσίνην · καὶ ποιησάμενος προσβολάς , οὐδέν γε τῶν προύργου περαίνων , ἀνέζευξε , καὶ τὸ λοιπὸν ἐπιπορευόμενος ἔφθειρε τὴν χώραν πᾶσαν τὴν ἐπὶ τὸ Κρητικὸν πέλαγος τετραμμένην ἕως Ταινάρου .
5.19.6 μεταβαλόμενος δʼ αὖτις ἐποιεῖτο τὴν πορείαν παρὰ τὸν ναύσταθμον τῶν Λακεδαιμονίων , ὃ καλεῖται μὲν Γύθιον , ἔχει δʼ ἀσφαλῆ λιμένα , τῆς δὲ πόλεως ἀπέχει περὶ διακόσια καὶ τριάκοντα στάδια .
5.19.7 τοῦτο δʼ ἀπολιπὼν κατὰ πορείαν δεξιὸν κατεστρατοπέδευσε περὶ τὴν Ἑλείαν , ἥτις ἐστὶν ὡς πρὸς μέρος θεωρουμένη πλείστη καὶ καλλίστη χώρα τῆς Λακωνικῆς .
5.19.8 ὅθεν ἀφιεὶς τὰς προνομὰς αὐτόν τε τὸν τόπον τοῦτον πάντα κατεπυρπόλει καὶ διέφθειρε τοὺς ἐν αὐτῷ καρπούς , ἀφικνεῖτο δὲ ταῖς προνομαῖς καὶ πρὸς Ἀκρίας καὶ Λεύκας , ἔτι δὲ καὶ τὴν τῶν Βοιῶν χώραν .
5.20.1
τῷ δὲ μήκει τῆς ὁδοῦ καθυστερήσαντες τῆς εἰς τὴν Τεγέαν παρουσίας τοῦ Φιλίππου , τὸ μὲν πρῶτον ἠπόρουν τί δέον εἴη ποιεῖν ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.18.10 | Polyb. 5.19.7 (English) | >>Polyb. 5.20.6 |
