| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.21.3 | Polyb. 5.21.10 (English) | >>Polyb. 5.22.7 |
5.21.7 οὐ παρολιγωρητέον τῆς τῶν τόπων ὑπογραφῆς ἐν οὐδʼ ὁποίᾳ μὲν τῶν πράξεων , ἥκιστα δʼ ἐν ταῖς πολεμικαῖς , οὐδʼ ὀκνητέον ποτὲ μὲν λιμέσι καὶ πελάγεσι καὶ νήσοις συγχρῆσθαι σημείοις , ποτὲ δὲ πάλιν ἱεροῖς , ὄρεσι ,
5.21.8 χώραις ἐπωνύμοις , τὸ δὲ τελευταῖον ταῖς ἐκ τοῦ περιέχοντος διαφοραῖς , ἐπειδὴ κοινόταται πᾶσιν ἀνθρώποις εἰσὶν αὗται ·
5.21.9 μόνως γὰρ οὕτως δυνατὸν εἰς ἔννοιαν ἀγαγεῖν τῶν ἀγνοουμένων τοὺς ἀκούοντας , καθάπερ καὶ πρότερον εἰρήκαμεν .
5.21.10 ἔστι δʼ ἡ τῶν τόπων φύσις τοιαύτη ὑπὲρ ὧν νῦν δὴ ὁ λόγος .
5.22.1
τοῦ δὲ ποταμοῦ παραρρέοντος ἐκ τῶν πρὸς ἀνατολὰς αὐτῆς μερῶν , ὃς καλεῖται μὲν Εὐρώτας , γίνεται δὲ τὸν πλείω χρόνον ἄβατος διὰ τὸ μέγεθος ,
5.22.3 συμβαίνει τοὺς βουνοὺς ἐφʼ ὧν τὸ Μενελάιόν ἐστι πέραν μὲν εἶναι τοῦ ποταμοῦ , κεῖσθαι δὲ τῆς πόλεως κατὰ χειμερινὰς ἀνατολάς , ὄντας τραχεῖς καὶ δυσβάτους καὶ διαφερόντως ὑψηλούς , ἐπικεῖσθαι δὲ τῷ πρὸς τὴν πόλιν τοῦ ποταμοῦ διαστήματι κυρίως ,
5.22.4 διʼ οὗ φέρεται μὲν ὁ προειρημένος ποταμὸς παρʼ αὐτὴν τὴν τοῦ λόφου ῥίζαν , ἔστι δʼ οὐ πλεῖον τὸ πᾶν διάστημα τριῶν ἡμισταδίων ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.21.3 | Polyb. 5.21.10 (English) | >>Polyb. 5.22.7 |
