Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 5.26.12 | Polyb. 5.27.3 (English) | >>Polyb. 5.28.1 |
5.26.16 ταῖς δʼ ἑξῆς ἡμέραις ὁ βασιλεὺς ἐπὶ τὰς κατὰ τὴν Φωκίδα πράξεις πάλιν ἐκ τοῦ Λεχαίου ποιούμενος τὸν πλοῦν ἐπεσπάσατο τὸν Ἀπελλῆν . διαπεσούσης δʼ αὐτῷ τῆς ἐπιβολῆς , οὗτος μὲν αὖτις ἐξ
5.27.1
τῶν δʼ ἐν ταῖς Ἀθήναις στρατηγῶν οὐ προσδεξαμένων αὐτόν , μετῆλθε πάλιν εἰς τὰς Θήβας .
5.27.3 ὁ δὲ βασιλεὺς ἀναχθεὶς ἐκ τῶν κατὰ Κίρραν τόπων κατέπλευσε μετὰ τῶν ὑπασπιστῶν εἰς τὸν τῶν Σικυωνίων λιμένα , κἀκεῖθεν ἀναβὰς εἰς τὴν πόλιν τοὺς μὲν ἄρχοντας παρῃτήσατο , παρὰ δʼ Ἄρατον καταλύσας μετὰ τούτου τὴν πᾶσαν ἐποιεῖτο διαγωγήν , τῷ δʼ Ἀπελλῇ συνέταξε πλεῖν εἰς Κόρινθον .
5.27.4 προσπεσόντων δὲ τῶν κατὰ τὸν Μεγαλέαν αὐτῷ , τοὺς μὲν πελταστάς , ὧν ἡγεῖτο Λεόντιος , εἰς τὴν Τριφυλίαν ἐξαπέστειλε μετὰ Ταυρίωνος , ὥς τινος χρείας κατεπειγούσης , τούτων δʼ ἀφορμησάντων , ἀπαγαγεῖν ἐκέλευσε τὸν Λεόντιον πρὸς τὴν ἀναδοχήν .
5.27.5 συνέντες δʼ οἱ πελτασταὶ τὸ γεγονός , διαπεμψαμένου τινὰ πρὸς αὐτοὺς τοῦ Λεοντίου , πρεσβευτὰς ἐξαπέστειλαν πρὸς τὸν βασιλέα , παρακαλοῦντες , εἰ μὲν πρὸς ἄλλο τι πεποίηται τὴν ἀπαγωγὴν τοῦ Λεοντίου , μὴ χωρὶς αὑτῶν ποιήσασθαι τὴν ὑπὲρ τῶν ἐγκαλουμένων κρίσιν ,
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 5.26.12 | Polyb. 5.27.3 (English) | >>Polyb. 5.28.1 |