| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.2.6 | Polyb. 5.3.1 (English) | >>Polyb. 5.3.7 |
5.2.10 κἀκεῖ διατρίβων οὕτως βεβαίως ἐτήρει τὰ κατὰ τοὺς ὅρκους , πάντων αὐτῷ πειθαρχούντων κατὰ τὴν προγεγενημένην πίστιν , ὥστε τὸ τελευταῖον ἀναγκασθῆναι τὸν βασιλέα διʼ ἀπορίαν ἐνέχυρα τιθέντα τῶν πρὸς τὴν χρείαν ἀργυρωμάτων ἀπὸ τούτων ποιεῖσθαι τὴν διαγωγήν .
5.2.11 ἡθροισμένων δὲ τῶν πλοίων , καὶ τῶν Μακεδόνων ἤδη ταῖς εἰρεσίαις κατηρτισμένων , σιτομετρήσας καὶ μισθοδοτήσας ὁ βασιλεὺς τὴν δύναμιν ἀνήχθη , καὶ κατῆρε δευτεραῖος εἰς Πάτρας , ἔχων Μακεδόνας μὲν ἑξακισχιλίους , μισθοφόρους δὲ χιλίους καὶ διακοσίους .
5.3.1
εἰς ἃ βλέπων ὁ Φίλιππος , τούς τε τῶν Ἀχαιῶν μισθοφόρους καὶ τῶν παρʼ αὑτῷ Κρητῶν καὶ τῶν Γαλατικῶν ἱππέων τινάς , σὺν δὲ τούτοις τῶν ἐξ Ἀχαΐας ἐπιλέκτων εἰς δισχιλίους πεζοὺς ἁθροίσας , ἐν τῇ τῶν Δυμαίων πόλει κατέλειπεν , ἅμα μὲν ἐφεδρείας ἔχοντας , ἅμα δὲ προφυλακῆς τάξιν πρὸς τὸν ἀπὸ τῆς Ἠλείας φόβον .
5.3.3 αὐτὸς δʼ , ἔτι πρότερον γεγραφὼς τοῖς Μεσσηνίοις καὶ τοῖς Ἠπειρώταις , ἔτι δὲ τοῖς Ἀκαρνᾶσι καὶ Σκερδιλαΐδᾳ , πληροῦν ἑκάστοις τὰ παρʼ αὑτοῖς πλοῖα καὶ συναντᾶν εἰς Κεφαλληνίαν , ἀναχθεὶς ἐκ τῶν Πατρῶν κατὰ τὴν σύνταξιν ἔπλει , καὶ προσέσχε τῆς Κεφαλληνίας κατὰ Πρόννους .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.2.6 | Polyb. 5.3.1 (English) | >>Polyb. 5.3.7 |
