Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 5.35.6 | Polyb. 5.35.13 (English) | >>Polyb. 5.36.5 |
5.35.10 τεθεαμένος μὲν ὑπʼ αὐγὰς αὐτῶν τὰ πράγματα , κατεγνωκὼς δὲ τοῦ βασιλέως , θεωρῶν δὲ πολλὰ τὰ παρακρεμάμενα μέρη καὶ μακρὰν ἀπεσπασμένα τῆς βασιλείας καὶ πολλὰς ἀφορμὰς ἔχοντα πρὸς πραγμάτων λόγον ·
5.35.11 καὶ γὰρ ναῦς ἐν τοῖς κατὰ Σάμον ἦσαν τόποις οὐκ ὀλίγαι καὶ στρατιωτῶν πλῆθος ἐν τοῖς κατʼ Ἔφεσον .
5.35.12 διὰ ταῦτα μὲν οὖν τὴν ἐπιβολήν , ὥστʼ ἐκπέμπειν αὐτὸν μετὰ χορηγίας , ἀπεδοκίμασαν διὰ τὰς προειρημένας αἰτίας · τό γε μὴν ὀλιγωρήσαντας ἄνδρα τοιοῦτον ἐξαποστεῖλαι , πρόδηλον ἐχθρὸν καὶ πολέμιον , οὐδαμῶς ἡγοῦντο σφίσι συμφέρειν .
5.35.13 λοιπὸν ἦν ἄκοντα κατέχειν . τοῦτο δʼ αὐτόθεν καὶ χωρὶς λόγου πάντες μὲν ἀπεδοκίμαζον , οὐκ ἀσφαλὲς νομίζοντες εἶναι λέοντι καὶ προβάτοις ὁμοῦ ποιεῖσθαι τὴν ἔπαυλιν · μάλιστα δὲ τοῦτο τὸ μέρος ὁ Σωσίβιος ὑφεωρᾶτο διά τινα τοιαύτην αἰτίαν .
5.36.1
τότε δὴ κατανοῶν ὁ Σωσίβιος τὸν Κλεομένην δεόμενον μὲν τῆς ἐκ τῶν βασιλέων ἐπικουρίας , ἔχοντα δὲ γνώμην καὶ πραγμάτων ἀληθινὴν ἔννοιαν , ὑπογράφων αὐτῷ μεγάλας ἐλπίδας ἅμα συμμετέδωκε τῆς ἐπιβολῆς .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 5.35.6 | Polyb. 5.35.13 (English) | >>Polyb. 5.36.5 |