| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.35.13 | Polyb. 5.36.5 (English) | >>Polyb. 5.37.6 |
5.36.3 θεωρῶν δʼ αὐτὸν ὁ Κλεομένης ἐξεπτοημένον καὶ μάλιστα δεδιότα τοὺς ξένους καὶ μισθοφόρους , θαρρεῖν παρεκάλει · τοὺς γὰρ μισθοφόρους βλάψειν μὲν αὐτὸν οὐδέν , ὠφελήσειν δʼ ὑπισχνεῖτο .
5.36.4 μᾶλλον δʼ αὐτοῦ θαυμάσαντος τὴν ἐπαγγελίαν οὐχ ὁρᾷς ἔφη διότι σχεδὸν εἰς τρισχιλίους εἰσὶν ἀπὸ Πελοποννήσου ξένοι καὶ Κρῆτες εἰς χιλίους , οἷς ἐὰν νεύσωμεν ἡμεῖς μόνον , ἑτοίμως ὑπουργήσουσι πάντες ; τούτων δὲ συστραφέντων , τίνας ἀγωνιᾷς ;
5.36.5 ἢ δῆλον ἔφη τοὺς ἀπὸ Συρίας καὶ Καρίας στρατιώτας ;
5.36.6 τότε μὲν οὖν ἡδέως ὁ Σωσίβιος ἀκούσας ταῦτα διπλασίως ἐπερρώσθη πρὸς τὴν κατὰ τῆς Βερενίκης πρᾶξιν ·
5.36.7 μετὰ δὲ ταῦτα θεωρῶν τὴν τοῦ βασιλέως ῥᾳθυμίαν , ἀεὶ τὸν λόγον ἀνενεοῦτο , καὶ πρὸ ὀφθαλμῶν τήν τε τοῦ Κλεομένους τόλμαν ἐλάμβανε καὶ τὴν τῶν ξένων πρὸς αὐτὸν εὔνοιαν .
5.36.8 διὸ καὶ τότε μάλιστα παρέστησε τῷ τε βασιλεῖ καὶ τοῖς φίλοις ὁρμὴν οὗτος εἰς τὸ προκαταλαβέσθαι καὶ συγκλεῖσαι τὸν Κλεομένην .
5.36.9 πρὸς δὲ τὴν ἐπίνοιαν ταύτην
5.37.1
τὸν μὲν οὖν πρὸ τοῦ χρόνον βραχεῖά τις ἦν τοῖς προειρημένοις ἐπιπλοκὴ πρὸς ἀλλήλους · καθʼ ὃν δὲ καιρὸν Ἀρχίδαμος ἐκ τῆς Σπάρτης ἔφυγε δείσας τὸν Κλεομένην , καὶ παρεγένετʼ εἰς Μεσσηνίαν , οὐ μόνον οἰκίᾳ καὶ τοῖς ἄλλοις ἀναγκαίοις ὁ Νικαγόρας αὐτὸν ἐδέξατο προθύμως , ἀλλὰ καὶ κατὰ τὴν ἑξῆς συμπεριφορὰν ἐγένετό τις αὐτοῖς ὁλοσχερὴς εὔνοια καὶ συνήθεια πρὸς ἀλλήλους .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.35.13 | Polyb. 5.36.5 (English) | >>Polyb. 5.37.6 |
