| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.45.2 | Polyb. 5.45.9 (English) | >>Polyb. 5.46.6 |
5.45.6 Ἑρμείας δέ , τηρῶν τὴν ἐξ ἀρχῆς πρόθεσιν ἐπὶ μὲν τὸν Μόλωνα Ξενοίταν τὸν Ἀχαιὸν ἐξέπεμψε στρατηγὸν αὐτοκράτορα μετὰ δυνάμεως , φήσας δεῖν πρὸς μὲν τοὺς ἀποστάτας στρατηγοῖς πολεμεῖν , πρὸς δὲ τοὺς βασιλεῖς αὐτὸν ποιεῖσθαι τὸν βασιλέα καὶ τὰς ἐπιβολὰς καὶ τοὺς ὑπὲρ τῶν ὅλων ἀγῶνας ,
5.45.7 αὐτὸς δὲ διὰ τὴν ἡλικίαν ὑποχείριον ἔχων τὸν νεανίσκον προῆγε , καὶ συνήθροιζε τὰς δυνάμεις εἰς Ἀπάμειαν · ἐντεῦθεν δʼ ἀναζεύξας ἧκε πρὸς τὴν Λαοδίκειαν .
5.45.8 ἀφʼ ἧς ποιησάμενος τὴν ὁρμὴν ὁ βασιλεὺς μετὰ πάσης τῆς στρατιᾶς , καὶ διελθὼν τὴν ἔρημον , ἐνέβαλεν εἰς τὸν αὐλῶνα τὸν προσαγορευόμενον Μαρσύαν ,
5.45.9 ὃς κεῖται μὲν μεταξὺ τῆς κατὰ τὸν Λίβανον καὶ τὸν Ἀντιλίβανον παρωρείας , συνάγεται δʼ εἰς στενὸν ὑπὸ τῶν προειρημένων ὀρῶν .
5.45.10 συμβαίνει δὲ καὶ τοῦτον αὐτὸν τὸν τόπον , ᾗ στενώτατός ἐστι , διείργεσθαι τενάγεσι καὶ
5.46.1
ποιησάμενος δὲ διὰ τοῦ προειρημένου τὴν πορείαν αὐλῶνος ἐπὶ πλείους ἡμέρας , καὶ προσαγαγόμενος τὰς παρακειμένας πόλεις , παρῆν πρὸς τὰ Γέρρα .
5.46.3 καταλαβὼν δὲ τὸν Θεόδοτον τὸν Αἰτωλὸν προκατειληφότα τὰ Γέρρα καὶ τοὺς Βρόχους , τὰ δὲ παρὰ τὴν λίμνην στενὰ διωχυρωμένον τάφροις καὶ χάραξι καὶ διειληφότα φυλακαῖς εὐκαίροις , τὸ μὲν πρῶτον ἐπεβάλετο βιάζεσθαι ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.45.2 | Polyb. 5.45.9 (English) | >>Polyb. 5.46.6 |
