| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.4.7 | Polyb. 5.5.2 (English) | >>Polyb. 5.5.9 |
5.4.13 ὁ δὲ βασιλεύς , ὁρῶν ἀποδειλιῶντας μὲν τοὺς ἡγεμόνας , τραυματίας δὲ καὶ πλείους γεγονότας τῶν Μακεδόνων , τῆς μὲν πολιορκίας ἀπέστη , περὶ δὲ τῶν ἑξῆς ἐβουλεύετο μετὰ τῶν φίλων .
5.5.1
ὑπὲρ ὧν ἧκον πρέσβεις πρὸς τὸν βασιλέα παρά τʼ Ἀκαρνάνων καὶ παρὰ Μεσσηνίων , οἱ μὲν παρὰ τῶν Ἀκαρνάνων παρακαλοῦντες αὐτὸν ἐμβαλεῖν εἰς τὴν τῶν Αἰτωλῶν χώραν καὶ τόν τε Δωρίμαχον ἀποστῆσαι τῆς εἰς τὴν Μακεδονίαν ὁρμῆς καὶ τὴν χώραν τῶν Αἰτωλῶν ἐπελθεῖν καὶ πορθῆσαι πᾶσαν ἀδεῶς ,
5.5.3 οἱ δὲ παρὰ τῶν Μεσσηνίων δεόμενοι σφίσι βοηθεῖν καὶ διδάσκοντες ὅτι τῶν ἐτησίων ἤδη στάσιν ἐχόντων δυνατόν ἐστι τὴν παρακομιδὴν ἐκ τῆς Κεφαλληνίας εἰς τὴν Μεσσηνίαν ἐν ἡμέρᾳ ποιήσασθαι μιᾷ ·
5.5.4 διόπερ οἱ περὶ Γόργον τὸν Μεσσήνιον αἰφνίδιον καὶ πραγματικὴν ἐσομένην συνίστασαν τὴν ἐπὶ τὸν Λυκοῦργον ἐπίθεσιν .
5.5.5 οἱ δὲ περὶ τὸν Λεόντιον , τηροῦντες τὴν αὑτῶν ὑπόθεσιν , συνήργουν τοῖς περὶ τὸν Γόργον ἐκτενῶς , θεωροῦντες ὅτι συμβήσεται τὴν θερείαν εἰς τέλος ἄπρακτον γενέσθαι τῷ Φιλίππῳ . πλεῦσαι μὲν γὰρ εἰς τὴν Μεσσηνίαν ῥᾴδιον ἦν ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.4.7 | Polyb. 5.5.2 (English) | >>Polyb. 5.5.9 |
