| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.55.2 | Polyb. 5.55.9 (English) | >>Polyb. 5.56.7 |
5.55.6 κριθέντων δὲ τούτων ὑπερβαλόντες τὸν Ζάγρον ἐνέβαλον εἰς τὴν Ἀρταβαζάνου χώραν ,
5.55.7 ἣ παράκειται μὲν τῇ Μηδίᾳ , διειργούσης αὐτὴν τῆς ἀνὰ μέσον κειμένης ὀρεινῆς , ὑπέρκειται δʼ αὐτῆς τινὰ μέρη τοῦ Πόντου κατὰ τοὺς ὑπὲρ τὸν Φᾶσιν τόπους , συνάπτει δὲ πρὸς τὴν Ὑρκανίαν θάλατταν ,
5.55.8 ἔχει δὲ πλῆθος ἀνδρῶν ἀλκίμων καὶ μᾶλλον ἱππέων , αὐτάρκης δὲ καὶ ταῖς λοιπαῖς ἐστι ταῖς πρὸς τὸν πόλεμον παρασκευαῖς .
5.55.9 ταύτην δὲ συμβαίνει τὴν ἀρχὴν ἀπὸ Περσῶν ἔτι διατηρεῖσθαι , παροραθείσης αὐτῆς ἐν τοῖς κατʼ Ἀλέξανδρον καιροῖς .
5.55.10 ὁ δʼ Ἀρταβαζάνης , καταπλαγεὶς τὴν ἔφοδον τοῦ βασιλέως , καὶ μάλιστα διὰ τὴν ἡλικίαν , τελέως γὰρ ἤδη γηραιὸς ἦν , εἴξας τοῖς παροῦσιν ἐποιήσατο συνθήκας εὐδοκουμένας Ἀντιόχῳ .
5.56.1
διὸ λαβὼν καιρὸν προσφέρει τῷ βασιλεῖ λόγον , παρακαλῶν μὴ ῥᾳθυμεῖν μηδʼ ἀνυπονόητον εἶναι τῆς Ἑρμείου τόλμης , μηδʼ ἕως τούτου περιμεῖναι μέχρις ἂν οὗ τοῖς ὁμοίοις τἀδελφῷ παλαίῃ συμπτώμασιν .
5.56.3 ἀπέχειν δʼ οὐ μακρὰν αὐτὸν ἔφη τοῦ κινδύνου · διὸ προσέχειν ἠξίου καὶ βοηθεῖν κατὰ σπουδὴν αὑτῷ τε καὶ τοῖς φίλοις .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.55.2 | Polyb. 5.55.9 (English) | >>Polyb. 5.56.7 |
