| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.68.2 | Polyb. 5.68.9 (English) | >>Polyb. 5.69.5 |
5.68.7 Ἀντίοχος δὲ παρελθὼν εἰς Μάραθον , καὶ παραγενομένων πρὸς αὐτὸν Ἀραδίων ὑπὲρ συμμαχίας , οὐ μόνον προσεδέξατο τὴν συμμαχίαν , ἀλλὰ καὶ τὴν διαφορὰν τὴν προϋπάρχουσαν αὐτοῖς πρὸς ἀλλήλους κατέπαυσε , διαλύσας τοὺς ἐν τῇ νήσῳ πρὸς τοὺς τὴν ἤπειρον κατοικοῦντας τῶν Ἀραδίων .
5.68.8 μετὰ δὲ ταῦτα ποιησάμενος τὴν εἰσβολὴν κατὰ τὸ καλούμενον Θεοῦ πρόσωπον ἧκε πρὸς Βηρυτόν , Βότρυν μὲν ἐν τῇ παρόδῳ καταλαβόμενος , Τριήρη δὲ καὶ Κάλαμον ἐμπρήσας .
5.68.9 ἐντεῦθεν δὲ Νίκαρχον μὲν καὶ Θεόδοτον προαπέστειλε , συντάξας προκαταλαβέσθαι τὰς δυσχωρίας περὶ τὸν Λύκον καλούμενον ποταμόν · αὐτὸς δὲ τὴν δύναμιν ἀναλαβὼν προῆλθε καὶ κατεστρατοπέδευσε περὶ τὸν Δαμούραν ποταμόν , συμπαραπλέοντος ἅμα καὶ Διογνήτου τοῦ ναυάρχου .
5.68.10 παραλαβὼν δὲ πάλιν ἐντεῦθεν τούς τε περὶ τὸν Θεόδοτον καὶ Νίκαρχον τοὺς ἐκ τῆς δυνάμεως εὐζώνους , ὥρμησε κατασκεψόμενος τὰς προκατεχομένας ὑπὸ τῶν περὶ τὸν Νικόλαον δυσχωρίας .
5.68.11 συνθεωρήσας δὲ τὰς τῶν τόπων ἰδιότητας , τότε μὲν ἀνεχώρησε πρὸς τὴν παρεμβολήν , κατὰ δὲ τὴν ἐπιοῦσαν ἡμέραν , καταλιπὼν αὐτοῦ τὰ βαρέα τῶν ὅπλων καὶ Νίκαρχον ἐπὶ τούτων , προῆγε μετὰ τῆς λοιπῆς δυνάμεως ἐπὶ τὴν προκειμένην χρείαν .
5.69.1
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.68.2 | Polyb. 5.68.9 (English) | >>Polyb. 5.69.5 |
