| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.70.4 | Polyb. 5.70.11 (English) | >>Polyb. 5.71.6 |
5.70.8 προκαλεσάμενος γὰρ εἰς ἀκροβολισμὸν τοὺς ἀπὸ τῆς πόλεως καὶ συγκαταβιβάσας ἐπὶ πολὺ τοὺς προκινδυνεύοντας , κἄπειτα πάλιν ἐκ μεταβολῆς τῶν φευγόντων καὶ διαναστάσεως τῶν ἐγκαθημένων συμβαλών , πολλοὺς μὲν αὐτῶν ἀπέκτεινε ,
5.70.9 τέλος δʼ ἐπακολουθήσας καὶ προκαταπληξάμενος ἐξ ἐφόδου παρέλαβε καὶ ταύτην τὴν πόλιν .
5.70.10 κατὰ δὲ τὸν καιρὸν τοῦτον Κεραίας , εἷς τῶν ὑπὸ Πτολεμαῖον ταττομένων ὑπάρχων , ἀπέστη πρὸς αὐτόν · ᾧ χρησάμενος μεγαλοπρεπῶς πολλοὺς ἐμετεώρισε τῶν παρὰ τοῖς ἐναντίοις ἡγεμόνων ·
5.70.11 Ἱππόλοχος γοῦν ὁ Θετταλὸς οὐ μετὰ πολὺ τετρακοσίους ἱππεῖς ἧκεν ἔχων πρὸς αὐτὸν τῶν ὑπὸ Πτολεμαῖον ταττομένων .
5.70.12 ἀσφαλισάμενος δὲ καὶ τὸ Ἀταβύριον ἀνέζευξε , καὶ προάγων παρέλαβε Πέλλαν καὶ
5.71.1
προσλαβὼν δὲ καὶ τὴν παρὰ τούτων ἐλπίδα καὶ χορηγίαν προῆγε , καὶ κατασχὼν εἰς τὴν Γαλᾶτιν γίνεται Ἀβίλων καὶ τῶν εἰς αὐτὰ παραβεβοηθηκότων , ὧν ἡγεῖτο Νικίας , ἀναγκαῖος ὢν καὶ συγγενὴς Μεννέου .
5.71.3 καταλειπομένων δʼ ἔτι τῶν Γαδάρων , ἃ δοκεῖ τῶν κατʼ ἐκείνους τοὺς τόπους ὀχυρότητι διαφέρειν , προσστρατοπεδεύσας αὐτοῖς καὶ συστησάμενος ἔργα ταχέως κατεπλήξατο καὶ παρέλαβε τὴν πόλιν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.70.4 | Polyb. 5.70.11 (English) | >>Polyb. 5.71.6 |
