| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.72.4 | Polyb. 5.72.10 (English) | >>Polyb. 5.73.8 |
5.72.7 ὡς ἀπεγνωκότος βοηθεῖν Γαρσυήριδος , οἱ μὲν εἰς τὸ στρατόπεδον ἀπεχώρησαν , οἱ δʼ εἰς τὴν πόλιν διὰ τὸ κατεπείγειν τὴν τοῦ σίτου κομιδήν .
5.72.8 ὁ δὲ Γαρσύηρις , ἐξ ἐπιστροφῆς ἐνεργὸν ποιησάμενος τὴν πορείαν , ἧκε πρὸς τὰς ὑπερβολάς . καταλαβὼν δʼ ἐρήμους , ταύτας μὲν ἠσφαλίσατο φυλακαῖς , Φάϋλλον ἐπὶ πάντων ἐπιστήσας ,
5.72.9 αὐτὸς δὲ μετὰ τῆς στρατιᾶς εἰς Πέργην κατάρας ἐντεῦθεν ἐποιεῖτο τὰς διαπρεσβείας πρός τε τοὺς ἄλλους τοὺς τὴν Πισιδικὴν κατοικοῦντας καὶ πρὸς τὴν Παμφυλίαν ,
5.72.10 ὑποδεικνύων μὲν τὸ τῶν Σελγέων βάρος , παρακαλῶν δὲ πάντας πρὸς τὴν Ἀχαιοῦ συμμαχίαν καὶ πρὸς τὴν βοήθειαν τοῖς
5.73.1
οὐ καθικόμενοι δὲ τῆς προθέσεως , ἀλλὰ πολλοὺς ἀποβαλόντες τῶν στρατιωτῶν ἐν ταῖς προσβολαῖς , ταύτης μὲν τῆς ἐλπίδος ἀπέστησαν , τῇ δὲ πολιορκίᾳ καὶ τοῖς ἔργοις οὐχ ἧττον , ἀλλὰ μᾶλλον ἢ πρὸ τοῦ προσεκαρτέρουν .
5.73.3 τοῖς δὲ περὶ Γαρσύηριν Ἐτεννεῖς μὲν οἱ τῆς Πισιδικῆς τὴν ὑπὲρ Σίδης ὀρεινὴν κατοικοῦντες , ὀκτακισχιλίους ὁπλίτας ἔπεμψαν , Ἀσπένδιοι δὲ τοὺς ἡμίσεις ·
5.73.4 Σιδῆται δὲ τὰ μὲν στοχαζόμενοι τῆς πρὸς Ἀντίοχον εὐνοίας , τὸ δὲ πλεῖον διὰ τὸ πρὸς Ἀσπενδίους μῖσος , οὐ μετέσχον τῆς βοηθείας .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.72.4 | Polyb. 5.72.10 (English) | >>Polyb. 5.73.8 |
