| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.78.1 | Polyb. 5.79.1 (English) | >>Polyb. 5.79.9 |
5.78.5 διὸ τῆς προειρημένης ἀφορμῆς λαβόμενος ἐπηγγείλατο κατὰ μὲν τὸ παρὸν ἀποκαταστήσειν αὐτοὺς πρὸς τὴν διάβασιν καὶ τόπον δώσειν εὐφυῆ πρὸς κατοικίαν , μετὰ δὲ ταῦτα συμπράξειν εἰς ὁπόσʼ ἂν αὐτὸν παρακαλῶσι τῶν δυνατῶν καὶ καλῶς ἐχόντων .
ἀποκαταστήσας τοὺς Αἰγοσάγας εἰς τὸν Ἑλλήσποντον καὶ χρηματίσας φιλανθρώπως Λαμψακηνοῖς , Ἀλεξανδρεῦσιν , Ἰλιεῦσι , διὰ τὸ τετηρηκέναι τούτους τὴν πρὸς αὐτὸν πίστιν , ἀνεχώρησε μετὰ τῆς δυνάμεως εἰς Πέργαμον ·
5.79.1
οἱ μὲν οὖν περὶ τὸν Πτολεμαῖον ὥρμησαν ἐκ τῆς Ἀλεξανδρείας , ἔχοντες πεζῶν μὲν εἰς ἑπτὰ μυριάδας , ἱππεῖς δὲ πεντακισχιλίους , ἐλέφαντας ἑβδομήκοντα τρεῖς ·
5.79.3 Ἀντίοχος δὲ γνοὺς τὴν ἔφοδον αὐτῶν συνῆγε τὰς δυνάμεις . ἦσαν δʼ αὗται Δάαι μὲν καὶ Καρμάνιοι καὶ Κίλικες εἰς τὸν τῶν εὐζώνων τρόπον καθωπλισμένοι περὶ πεντακισχιλίους · τούτων δʼ ἅμα τὴν ἐπιμέλειαν εἶχε καὶ τὴν ἡγεμονίαν Βύττακος ὁ Μακεδών .
5.79.4 ὑπὸ δὲ Θεόδοτον τὸν Αἰτωλὸν τὸν ποιησάμενον τὴν προδοσίαν ἦσαν ἐκ πάσης ἐκλελεγμένοι τῆς βασιλείας , καθωπλισμένοι δʼ εἰς τὸν Μακεδονικὸν τρόπον , ἄνδρες μύριοι · τούτων οἱ πλείονες ἀργυράσπιδες .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.78.1 | Polyb. 5.79.1 (English) | >>Polyb. 5.79.9 |
