Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 5.85.7 | Polyb. 5.86.2 (English) | >>Polyb. 5.86.9 |
5.85.13 καταλαβὼν δὲ τοὺς παρʼ αὑτοῦ πάντας πεφευγότας , οὕτως ἐποιεῖτο τὴν ἀποχώρησιν εἰς τὴν Ῥαφίαν , τὸ μὲν καθʼ αὑτὸν μέρος πεπεισμένος νικᾶν , διὰ δὲ τὴν τῶν ἄλλων ἀγεννίαν καὶ δειλίαν ἐσφάλθαι νομίζων τοῖς ὅλοις .
5.86.1
τῇ δʼ ἐπαύριον τοὺς μὲν ἰδίους νεκροὺς ἀνελόμενος καὶ θάψας , τοὺς δὲ τῶν ἐναντίων σκυλεύσας , ἀνέζευξε καὶ προῆγε πρὸς τὴν Ῥαφίαν .
5.86.3 ὁ δʼ Ἀντίοχος ἐκ τῆς φυγῆς ἐβούλετο μὲν εὐθέως ἔξω στρατοπεδεύειν , συναθροίσας τοὺς ἐν τοῖς συστήμασι πεφευγότας , τῶν δὲ πλείστων εἰς τὴν πόλιν πεποιημένων τὴν ἀποχώρησιν ἠναγκάσθη καὶ αὐτὸς εἰσελθεῖν .
5.86.4 οὗτος μὲν οὖν ὑπὸ τὴν ἑωθινὴν ἐξαγαγὼν τὸ σῳζόμενον μέρος τῆς δυνάμεως διέτεινε πρὸς Γάζαν , κἀκεῖ καταστρατοπεδεύσας καὶ διαπεμψάμενος περὶ τῆς τῶν νεκρῶν ἀναιρέσεως , ἐκήδευσε τοὺς τεθνεῶτας ὑποσπόνδους .
5.86.5 ἦσαν δʼ οἱ τετελευτηκότες τῶν παρʼ Ἀντιόχου πεζοὶ μὲν οὐ πολὺ λείποντες μυρίων , ἱππεῖς δὲ πλείους τριακοσίων · ζωγρίᾳ δʼ ἑάλωσαν ὑπὲρ τοὺς τετρακισχιλίους .
5.86.6 ἐλέφαντες δὲ τρεῖς μὲν παραχρῆμα , δύο δʼ ἐκ τῶν τραυμάτων ἀπέθανον . τῶν δὲ παρὰ Πτολεμαίου πεζοὶ μὲν εἰς χιλίους καὶ πεντακοσίους ἐτελεύτησαν , ἱππεῖς δʼ εἰς ἑπτακοσίους · τῶν δʼ ἐλεφάντων ἑκκαίδεκα μὲν ἀπέθανον , ᾑρέθησαν δʼ αὐτῶν οἱ πλείους .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 5.85.7 | Polyb. 5.86.2 (English) | >>Polyb. 5.86.9 |