| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.8.5 | Polyb. 5.9.3 (English) | >>Polyb. 5.9.9 |
5.8.9 ὁμοίως δὲ καὶ τῶν ὅπλων τῶν ἐν ταῖς στοαῖς ἀνακειμένων τὰ μὲν πολυτελῆ καθαιροῦντες ἀπεκόμιζον , τινὰ δʼ ὑπήλλαττον , τὰ δὲ λοιπὰ συναθροίσαντες πῦρ ἐνέβαλον . ἦν δὲ ταῦτα πλείω τῶν μυρίων καὶ πεντακισχιλίων .
5.9.1
λαβόντες γὰρ ἔννοιαν τῶν ἐν Δίῳ καὶ Δωδώνῃ πεπραγμένων τοῖς Αἰτωλοῖς , τάς τε στοὰς ἐνεπίμπρασαν καὶ τὰ λοιπὰ τῶν ἀναθημάτων διέφθειρον , ὄντα πολυτελῆ ταῖς κατασκευαῖς καὶ πολλῆς ἐπιμελείας ἔνια τετευχότα καὶ δαπάνης .
5.9.3 οὐ μόνον δὲ τῷ πυρὶ κατελυμήναντο τὰς ὀροφάς , ἀλλὰ καὶ κατέσκαψαν εἰς ἔδαφος . ἀνέτρεψαν δὲ καὶ τοὺς ἀνδριάντας , ὄντας οὐκ ἐλάττους δισχιλίων · πολλοὺς δὲ καὶ διέφθειραν , πλὴν ὅσοι θεῶν ἐπιγραφὰς ἢ τύπους εἶχον · τῶν δὲ τοιούτων ἀπέσχοντο .
5.9.4 κατέγραφον δʼ εἰς τοὺς τοίχους καὶ τὸν περιφερόμενον στίχον , ἤδη τότε τῆς ἐπιδεξιότητος τῆς Σάμου φυομένης , ὃς ἦν υἱὸς μὲν Χρυσογόνου , σύντροφος δὲ τοῦ βασιλέως .
5.9.5 ὁ δὲ στίχος ἦν
καὶ μεγίστη δὴ καὶ παράστασις ἐπὶ τούτοις εἶχε τόν τε βασιλέα καὶ τοὺς περὶ αὐτὸν φίλους , ὡς δικαίως ταῦτα πράττοντας καὶ καθηκόντως , ἀμυνομένους τοῖς ὁμοίοις τὴν τῶν Αἰτωλῶν περὶ τὸ Δῖον ἀσέβειαν . ἐμοὶ δὲ τἀναντία δοκεῖ τούτων .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.8.5 | Polyb. 5.9.3 (English) | >>Polyb. 5.9.9 |
