| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.93.9 | Polyb. 5.94.8 (English) | >>Polyb. 5.95.4 |
5.94.5 οἱ δὲ περὶ τὸν Λύκον συνέντες τὸ γεγονὸς ἐβοήθουν κατὰ σπουδήν , συνάψαντες δὲ τοῖς πολεμίοις καὶ συμμίξαντες ἐξ ἐφόδου κατέβαλον μὲν αὐτῶν εἰς τετρακοσίους , ζωγρίᾳ δʼ ἔλαβον εἰς διακοσίους ,
5.94.6 ἐν οἷς ἦσαν ἐπιφανεῖς ἄνδρες Φυσσίας , Ἀντάνωρ , Κλέαρχος , Ἀνδρόλοχος , Εὐανορίδας , Ἀριστογείτων , Νικάσιππος , Ἀσπάσιος · τῶν δʼ ὅπλων καὶ τῆς ἀποσκευῆς ἐκυρίευσαν πάσης .
5.94.7 κατὰ δὲ τοὺς αὐτοὺς καιροὺς ὁ τῶν Ἀχαιῶν ναύαρχος ἐξοδεύσας εἰς Μολυκρίαν , ἧκεν ἔχων οὐ πολὺ λείποντα τῶν ἑκατὸν σωμάτων .
5.94.8 αὖτις δʼ ὑποστρέψας ἔπλευσε πρὸς Χάλκειαν , τῶν δʼ ἐκβοηθησάντων ἐκυρίευσε δύο μακρῶν πλοίων αὐτάνδρων · ἔλαβε δὲ καὶ κέλητα περὶ τὸ Ῥίον Αἰτωλικὸν ὁμοῦ τῷ πληρώματι .
5.94.9 συνδραμόντων δὲ τῶν τε κατὰ γῆν καὶ τῶν κατὰ θάλατταν λαφύρων περὶ τοὺς αὐτοὺς καιρούς , καὶ συναχθείσης ἀπὸ τούτων προσόδου καὶ χορηγίας ἱκανῆς , ἐγένετο τοῖς τε στρατιώταις θάρσος ὑπὲρ τῆς τῶν ὀψωνίων κομιδῆς ταῖς τε πόλεσιν ἐλπὶς ὑπὲρ τοῦ μὴ βαρυνθήσεσθαι ταῖς εἰσφοραῖς .
5.95.1
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 5.93.9 | Polyb. 5.94.8 (English) | >>Polyb. 5.95.4 |
