Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 5.98.6 | Polyb. 5.99.2 (English) | >>Polyb. 5.100.1 |
5.98.11 νῦν μὲν οὖν τὸ συνεχὲς τῆς διηγήσεως ἀποδοτέον · περὶ δὲ τοῦ τοιούτου γένους πάλιν μεταλαβόντες ἁρμόζοντα καιρὸν καὶ τόπον κατὰ τὴν πραγματείαν πειρασόμεθα συνυποδεικνύειν πῶς ἄν τις ἥκιστα περὶ τὰς τοιαύτας ἐπιβολὰς ἁμαρτάνοι .
5.99.1
ἡ γὰρ ὅλη πρόθεσις ἦν αὐτῷ τῆς στρατείας ἐξελεῖν τὰς Φθιώτιδας καλουμένας Θήβας .
5.99.3 ἡ δὲ πόλις αὕτη κεῖται μὲν οὐ μακρὰν ἀπὸ τῆς θαλάττης , ἀπέχουσα Λαρίσης ὡς τριακοσίους σταδίους , ἐπίκειται δʼ εὐκαίρως τῇ τε Μαγνησίᾳ καὶ τῇ Θετταλίᾳ , καὶ μάλιστα τῆς μὲν Μαγνησίας τῇ τῶν Δημητριέων χώρᾳ , τῆς δὲ Θετταλίας τῇ τῶν Φαρσαλίων καὶ Φεραίων .
5.99.4 ἐξ ἧς καὶ τότε , κατεχόντων αὐτὴν τῶν Αἰτωλῶν καὶ συνεχεῖς ποιουμένων τὰς ἐπιδρομάς , μεγάλα συνέβαινε βλάπτεσθαι τούς τε Δημητριεῖς καὶ τοὺς Φαρσαλίους , ἔτι δὲ Λαρισαίους ·
5.99.5 πολλάκις γὰρ ἐποιοῦντο τὰς καταδρομὰς ἕως ἐπὶ τὸ καλούμενον Ἀμυρικὸν πεδίον .
5.99.6 διόπερ ὁ Φίλιππος οὐκ ἐν μικρῷ τιθέμενος μεγάλην ἐποιεῖτο σπουδὴν ὑπὲρ τοῦ κατὰ κράτος ἐξελεῖν αὐτήν .
5.99.7 συναχθέντων δὲ καταπελτῶν μὲν ἑκατὸν πεντήκοντα , πετροβολικῶν δʼ ὀργάνων πέντε καὶ εἴκοσι , προσῆλθε ταῖς Θήβαις , καὶ διελὼν τὸ στρατόπεδον εἰς τρία μέρη διέλαβε τοὺς πέριξ τόπους τῆς πόλεως ,
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 5.98.6 | Polyb. 5.99.2 (English) | >>Polyb. 5.100.1 |